ઢોર પકડ પાર્ટી આવતા યુવાન પશુઓ હાંકવા ભાગ્યો, સ્કૂટર સ્લીપ થતાં ઈજા
એરપોર્ટની પાછળ રખડતાં ઢોરના ત્રાસને ડામવા ટીમ પહોંચી તો ભાગદોડ.
સિવિલ લઈ ગયા તો કહે સ્ટાફે માર્યો, ફરજમાં રૂકાવટની ફરિયાદની તજવીજ.
રાજકોટ સિવિલ હોસ્પિટલમાં સાંજે 8.30 વાગ્યા આસપાસ એક ઘાયલ યુવાનને મનપાની ઢોર પકડ પાર્ટી અને વિજિલન્સનો સ્ટાફ લઈને આવ્યો હતો. યુવાનની સારવાર શરૂ થઈ ત્યાં તેણે આક્ષેપ કર્યા કે ઢોર પકડ પાર્ટીએ તેના વાહનને પાછળથી અડફેટે લઈ ફંગોળી દીધો અને બાદમાં માર માર્યો. બીજી તરફ આ આક્ષેપના જવાબમાં ઢોર પકડ પાર્ટીએ કહ્યું હતું કે તે યુવાન ગાયો હાંકવા ગયો અને તેમાં વાહન સ્લીપ થતા પડી ગયો અને માનવતા ખાતર હોસ્પિટલ લઈને આવ્યા છે.
આ પ્રકારના તમામ સમાચાર માટેે
App ડાઉનલોડ કરો.