હળવદમાં ખનીજ ચોરીનાં ગુન્હામાં નાસ્તો ફરતો આરોપી સામખીયારીથી ઝડપાયો

મોરબી લોકલ ક્રાઈમ બ્રાંચે હળવદ પોલીસ સ્ટેશનના ખનીજચોરીના ગુનામાં નાસતા ફરતા આરોપીને પકડી પાડી કાયદેસરની કાર્યવાહી હાથ ધરી છે.

મળતી માહિતી અનુસાર, મોરબી લોકલ ક્રાઈમ બ્રાંચ તથા પેરોલ ફર્લો સ્ક્વોડના એએસઆઈ જયવંતસિંહ ગોહિલ તથા પૃથ્વીરાજસિંહ જાડેજા તથા દશરથસિંહ ચાવડાને ખાનગી રાહે હકિકત મળેલ કે, હળવદ પોલીસ સ્ટેશનના ખનીજ ચોરીનાં ગુન્હાના કામે નાસતો ફરતો આરોપી રહીમભાઇ હુશેનભાઇ રાઉમા (રહે. હાલ સામખીયારી જી.કચ્છ મુળ ગામ ઢગા તા.સામખીયારી જી.કચ્છ) હાલે સામખીયારી ખાતે તેના રહેણાંક મકાને હોવાની હકીકત મળતા મોરબી લોકલ ક્રાઈમ બ્રાંચ સ્ટાફ સાથે મજકુર આરોપીના રહેણાંક મકાન સામખીયારી ખાતે તપાસ કરતા આરોપી રહીમભાઇ હુશેનભાઇ રાઉમા મળી આવતા તેને હસ્તગત કરી આગળની કાર્યવાહી અર્થે મોરબી સીટી બી ડીવીજન પોલીસ સ્ટેશનમાં સોપવામાં આવેલ છે.

રિપોર્ટ રમેશ ઠાકોર હળવદ

આ પ્રકારના તમામ સમાચાર માટેે App ડાઉનલોડ કરો.