જસદણમાં જુના ઝઘડામાં રાજુભાઇ ભરવાડ ઉપર ધારીયા અને કુહાડીથી હુમલો
જુના ઝઘડાનો ખાર રાખી લાલો ઉર્ફે જયપાલ ધાંધલ તૂટી પડયો
જસદણમાં જુના ઝઘડાના ખાર રાખી યુવાન ઉપર ધારીયા અને કુહાડીની હુમલો થયો હતો.
પ્રાપ્ત વિગતો મુજબ જસદણ વાજસુરપરા શેરી નં. ૧૫ માં રહેતા અને પશુપાલનો ધંધો કરતા રાજુભાઇ બોધાભાઇ ભરવાડ (ઉ.વ.ર૭) જસદણથી ગઢડીયા તરફ ચાલીને જતા હતા ત્યારે આરોપી લાલા ઉર્ફે જયપાલ રઘુભાઇ ધાંધલ રે. મણીનગર જસદણએ બાઇક ઉપર આવી બાઇકમાંથી ધારીયુ અને કુહાડી કાઢી હુમલો કરતા રાજુભાઇ ભરવાડને ઇજા થઇ હતી. ઇજાગ્રસ્ત રાજુભાઇ સાથે આરોપી લાલાને અગાઉ ગાય બાબતે બોલાચાલી થઇ હોય તે બાબતનો ખાર રાખી હુમલો કર્યો હતો.
આ અંગે જસદણ પોલીસે રાજુભાઇ ભરવાડની ફરીયાદ ઉપર ઉકત શખ્સ સામે ગુન્હો દાખલ કરી તપાસ હાથ ધરી છે.
આ પ્રકારના તમામ સમાચાર માટેે
App ડાઉનલોડ કરો.