હિંમતનગરમાં પ્રધાનમંત્રી નરેન્દ્ર મોદીની જાહેરસભાની જોરશોરથી તૈયારી

પ્રધાનમંત્રી નરેન્દ્ર મોદી તા.૧ મેના રોજ સાબરકાંઠા લોકસભા બેઠકના ઉમેદવાર શોભનાબેન બારૈયાના પ્રચાર માટે હિંમતનગર આવી રહ્યા છે, જે માટેની જાહેરસભા હિંમતનગર નજીકના ગઢોડા-આમોદરા રોડ પાસે જાહેરસભાનું સ્થળ પસંદ કરાયું છે ત્યારે સભા સ્થળે વિશાળ શમિયાણો બંધાઈ રહ્યો છે. ઉપરાંત વહીવટી તંત્ર અને એસપીજી ગૃપના ઉચ્ચ અધિકારીઓ સાથે રવિવારે અને સોમવારે વિવિધ તબક્કા અંગે ચર્ચા કરાઈ હતી. ઉપરાંત સંગઠનના કેટલાક અગ્રણીઓને વિવિધ જવાબદારીઓ અપાઈ છે. સભા સ્થળે પ્રદેશના મોદી સભાના ઇન્ચાર્જ ધવલભાઇ દવે, સાબરકાંઠા લોકસભા મોદી સભાના ઇન્ચાર્જ નરેન્દ્રભાઈ પરમાર, ચૂંટણી સંયોજક જે.ડી.પટેલ, જિલ્લા પ્રમુખ કનુભાઈ પટેલ, જિલ્લા સંગઠન પ્રભારી ગજેન્દ્રભાઈ સકસેના, જિલ્લા મહામંત્રી વિજયભાઈ પંડયા, ખજાનચી જયેશભાઈ શાહની ઉપસ્થિતિમાં વિવિધ મુદ્દે માર્ગદર્શન અપાયું હતુ.

આ પ્રકારના તમામ સમાચાર માટેે App ડાઉનલોડ કરો.