હરિયાણામાં AAP ઉમેદવારોની ચોથી યાદી જાહેર:21 નામ સામેલ, જુલાનાથી વિનેશ ફોગાટની સામે પૂર્વ WWE રેસલર કવિતાને મેદાનમાં ઉતારી

હરિયાણામાં આમ આદમી પાર્ટી (AAP) એ બુધવારે વિધાનસભા ચૂંટણી માટે તેની ચોથી યાદી જાહેર કરી છે. તેમાં 21 ઉમેદવારોના નામ છે. આ તમામ પહેલીવાર વિધાનસભાની ચૂંટણી લડશે. અગાઉ AAPએ 3 યાદીમાં 40 ઉમેદવારોની જાહેરાત કરી હતી. એટલે કે તેણે અત્યાર સુધીમાં 61 ઉમેદવારોની જાહેરાત કરી છે. 29 ઉમેદવારોની જાહેરાત થવાની બાકી છે. AAP એ જીંદના જુલાના વિધાનસભા મતવિસ્તારમાં કોંગ્રેસના ઉમેદવાર વિનેશ ફોગાટ સામે પૂર્વ વર્લ્ડ રેસલિંગ એન્ટરટેનમેન્ટ (WWE) રેસલર કવિતા દલાલને મેદાનમાં ઉતારી છે. કવિતા જુલાના માલવી ગામની રહેવાસી છે. દિલ્હીના જંતર-મંતર ખાતે મહિલા કુસ્તીબાજોના આંદોલનને સમર્થન આપનાર કવિતા દલાલનો હવે ચૂંટણીમાં વિનેશ ફોગાટ સામે મુકાબલો થશે. આંદોલન દરમિયાન કવિતાએ વિનેશને છોકરીઓ માટે રોલ મોડલ પણ ગણાવી હતી. બંને મહિલા રેસલરોએ રમત દરમિયાન શોષણ કરવાના આરોપો લગાવ્યા હતા. ઉમેદવારોની યાદી... AAP એકલા હાથે વિધાનસભા ચૂંટણી લડી રહ્યું છે
AAP એકલા હાથે વિધાનસભા ચૂંટણી લડી રહ્યું છે. થોડા દિવસો પહેલા ગઠબંધનને અંગે કોંગ્રેસ સાથે બેઠકો થઈ હતી, પરંતુ સીટ શેરિંગ અંગે વાત બની શકી નહીં. રાજ્યની 90 વિધાનસભા બેઠકો માટે 5 ઓક્ટોબરે એક જ તબક્કામાં મતદાન થશે. પરિણામ 8મી ઓક્ટોબરે આવશે. AAP ઉમેદવારો બાબતના આ સમાચાર પણ વાંચો.... 12 કલાકમાં હરિયાણામાં AAPની બીજી યાદી: ત્રીજી યાદીમાં 11 બેઠકો પર ઉમેદવારો મેદાનમાં; કોંગ્રેસ-ભાજપના બળવાખોરોને ટિકિટ હરિયાણામાં, આમ આદમી પાર્ટી (AAP) એ પણ મંગળવારે તેના ઉમેદવારોની ત્રીજી યાદી જાહેર કરી હતી. તેમાં 11 ઉમેદવારોના નામ છે. આજે સવારે પણ પાર્ટીએ 9 ઉમેદવારોની બીજી યાદી બહાર પાડી હતી. જેમાં ભાજપ છોડીને AAPમાં જોડાયેલા પૂર્વ મંત્રી પ્રોફેસર છત્રપાલ સિંહને હિસારના બરવાલાથી ટિકિટ આપવામાં આવી છે.

આ પ્રકારના તમામ સમાચાર માટેે App ડાઉનલોડ કરો.