જાંબુઆ બ્રિજથી અજાણ્યા પુરુષે કુદકો માર્યો : ફાયર બ્રિગેડ દ્વારા શોધખોળ જારી

વડોદરા,તા.26 જુલાઈ 2022,મંગળવારમાણેજા વિસ્તારમાં આવેલ જામ્બુવા બ્રિજ પરથી અજાણ્યા કોઈ ઇસમે કૂદકો મારતા ફાયર બ્રિગેડ દ્વારા તેને આજે સતત બીજા દિવસે શોધખોળ કરવાની કામગીરી હાથ ધરવામાં આવી છે.માણેજા ખાતે આવેલ જામ્બુવા બ્રિજ પરથી ગઈકાલે સાંજના સમયે અજાણ્યા કોઈ ઇસમે કદાચ આત્મહત્યા કરી લેવાના ઇરાદે કૂદકો માર્યો હતો. બનાવને નજરે જોનાર અહીંના સંતોષ દેવીપૂજકએ આ અંગેની જાણ ફાયર બ્રિગેડને કરતા ફાયર બ્રિગેડના લાસ્કરો ગઈકાલે સાંજે બ્રીજ પરથી વિશ્વામિત્રી નદીમાં કૂદકો માળનારની શોધખોળ ધરી હતી. પરંતુ મોડી સાંજ સુધી એનો કોઈ પતો લાગ્યો ન હતો. જેથી રેસ્ક્યુ કામગીરી બંધ કરવામાં આવી હતી. ત્યારબાદ આજે સવારે ફરીથી ફાયર બ્રિગેડ દ્વારા અહીં જામ્બુવા બ્રિજની નીચે વિશ્વામિત્રી નદીમાં કૂદકો મારનાર અજાણ્યા ઇસમની શોધખોળ પુનઃ શરૂ કરવામાં આવી છે. ફાયર બ્રિગેડના સૂત્રોએ જણાવ્યું હતું કે, હજુ સુધી કૂદકો મારનાર અજાણ્યા ઇસમના કોઈ સગડ મળ્યા નથી.

આ પ્રકારના તમામ સમાચાર માટેે App ડાઉનલોડ કરો.