પત્નીને પિયરમાં મોકલવા મામલે સાસરિયામાં જમાઈનો આતંક: ઝેરોક્ષની દુકાનમાં તોડફોડ

માધાપર ચોકડી પાસે સિંધોઇ નગરમાં પત્નીને પિયરમાં મોકલવા મામલે સાસરિયામાં જમાઈ સહિતના શખ્સોએ આતંક મચાવી સસરાની ઝેરોક્ષની દુકાનમાં તોડફોડ કરી ઝેરોક્ષ મશીન, લેપટોપ, કોમ્પ્યુટર તોડી નાંખતા ગાંધીગ્રામ પોલીસે છ શખ્સો સામે રાયોટિંગ સહિતની કલમ હેઠળ ગુનો નોંધી તપાસ હાથ ધરી હતી.
બનાવ અંગે માધાપર ચોકડી પાસે સિંધોઇ નગર શેરી નં-02 માં રહેતાં કરશનભાઈ જીવણભાઈ જંજવાડીયા (ઉ.વ.52) એ નોંધાવેલ ફરિયાદમાં આરોપી તરીકે તેમના જમાઈ અભય હસમુખ સંથેરસિયા અને તેની સાથે આવેલ અજાણ્યાં પાંચ શખ્સોના નામ આપી જણાવ્યું હતું કે, ઘર નજીક નજીક વિશ્વા પાન સેંટર અને વિશ્વા એનટરપ્રાઇઝ નામની ઝેરોક્ષની દુકાન ચલાવે છે.
ગઈ કાલે તેમનો જમાઇ અભય સંથેસરીયા તેમના પુત્ર રવીની સાથે તેમની પુત્રીને અહીં પિયરમા લગ્ન પ્રશંગમા મોકલવા બાબતે ફોન પર વાતચીત કરી ફોનમાં ગાળા ગાળી કરેલ હતી. જે બાબતનો ખાર રાખી ગઈ રાત્રીના નવેક વાગ્યા આસપાસ તેઓ માધાપર ચોકડીએ તેના સગા ધીરુભાઈ બાબરીયાને ત્યા હતો ત્યારે તેના પાડોશી સિંધવ ધર્મેદ્ર ઉર્ફે ધીરૂભાઇનો ફોન આવેલ કે, હુ તમારી દુકાને હતો ત્યારે તમારા જમાઇ અભયભાઈ તથા તેની સાથે પાંચેક અજાણ્યા શખ્સો આઇ-20 કાર લઇને આવેલ હતાં.
બે જણાના હાથમાં છરી હતી અને તમારી વિશ્વા એંટરપ્રાઇઝ દુકાનમાં અંદર ઘુસી પથ્થરથી તોડ ફોડ કરેલ છે અને મારુ લેપટોપ પણ તોડી નાખેલ છે તેવી વાત કરતાં તેઓ દુકાને ગયેલ તો તેઓની વિશ્વા એંટરપ્રાઇઝ નામની દુકાનમાં રહેલ ઝેરોક્ષ મશીન, લેપટોપ, કોમ્પ્યુટર તથા અન્ય સામાન વેર વિખેર અને તુટેલ હાલતમાં અને દુકાનના કાચ પણ તુટેલ હાલતમાં હતા.
તેઓ ત્યાં પહોંચ્યા તે પહેલાં આરોપી કારમાં ભાગી ગયેલ હતા અને ત્યાં હાજર માતાને પુછેલ તો તેણે જણાવેલ કે, અભય શંખેસરીયા તથા તેની સાથેના પાંચેક અજાણ્યા શખ્સો કારમાં આવેલ હતા અને કારમાંથી છરી લઈને ઉતરેલ અને આપણી દુકાનમાં પથ્થર મારી તોડફોડ કરવા લાગેલ હતાં.

આ પ્રકારના તમામ સમાચાર માટેે App ડાઉનલોડ કરો.