ફરસાણની દુકાનમાંથી સડેલું 10 કિલો તેલ મળ્યું

મનપાની વન વીક, વન રોડ ઝુંબેશમાં આજે વોર્ડ નં.3ના સાધુ વાસવાણી કુંજ રોડ પર ફરસાણની દુકાનમાંથી બિનઆરોગ્યપ્રદ 10 કિલો દાઝીયા તેલનો નાશ કરવામાં આવ્યો છે. રેલનગરના સાધુ વાસવાણી કુંજ રોડ પર 23 ધંધાર્થીને ત્યાં ચકાસણી કરવામાં આવતા 10 કિલો આ તેલનો નાશ કરીને લાયસન્સ માટે 9 પેઢીને નોટીસ આપવામાં આવી હતી.
આ રોડ પર આવેલા ચામુંડા ફરસાણ સ્વીટ માર્ટમાંથી તેલનો નાશ કરી લાયસન્સ અને આરોગ્યપ્રદ સ્થિતિ માટે નોટીસ આપવામાં આવી હતી. ઉપરાંત જે પેઢીઓને નોટીસ આપવામાં આવી તેમાં શિવાંશીકા માર્ટ, શ્રીનાથજી મેડિકલ સ્ટોર એજન્સી, પરિવાર માર્ટ, ગિરિરાજ એન્ટરપ્રાઇઝ, જય રામનાથ જનરલ સ્ટોર, ફોર્ચ્યુન માર્ટ, જનતા પ્રોવિઝન સ્ટોર, શ્રી પુષ્ટિ જનરલ સ્ટોરનો સમાવેશ થાય છે.
આ સિવાય આયુષી મેડિકલ સ્ટોર, બાલાજી ફરસાણ, માં ભગવતી આઇસક્રીમ, માં ભગવતી ડિલક્ષ પાન, નવરંગ ડેરી ફાર્મ ફરસાણ, શ્રી શક્તિ જનરલ સ્ટોર, ક્રિશ્ના મેડિકલ સ્ટોર, મઢૂલી મેડિકલ જનરલ સ્ટોર, બાપા સીતારામ કોલ્ડ્રિંક્સ લચ્છી, વિશ્વા મેડિકલ સ્ટોર, હાઉસ ઓફ ફ્લેવર્સ, વેલનેસ મેડિસિન્સ, આવકાર પ્રોવિઝન સ્ટોર, ક્રિશ્ના ડેરી ફાર્મમાં ચકાસણી કરવામાં આવી હતી.

આ પ્રકારના તમામ સમાચાર માટેે App ડાઉનલોડ કરો.