તને અહીયા રહેવા દેવો નથી અને રહીશ તો જાનથી મારી નાખીશ કહીં રીક્ષા ચાલકને ધમકી

રૈયાધારમાં રાધેશ્યામ ગૌશાળાના ગેઈટ પાસે રીક્ષા ચાલકને તને અહીયા રહેવા દેવો નથી અને રહીશ તો જાનથી મારી નાખીશ ધમકી આપી જ્ઞાતિ પ્રત્યે હડધૂત કરતાં યુનિવર્સિટી પોલીસ મથકમાં ફરિયાદ નોંધાઈ હતી. બનાવ અંગે રૈયા ધાર રાધેશ્યામ ગૌશાળા ના ગેઈટ પાસે રહેતાં દીપકભાઈ દેવજીભાઈ ગોહીલ (ઉ.વ.30) એ નોંધાવેલ ફરિયાદમાં આરોપી તરીકે કિશન દિનેશ દેવીપુજકનું નામ આપી જણાવ્યું હતું કે, તેઓ રીક્ષા ડ્રાઈવીંગ કરે છે. ગઈકાલે સાંજના છએક વાગ્યાની આસપાસ રાણીમા રુડીમા ચોક પાસે આવેલ અજીમભાઈના ગેરેજ પાસે તેમની રીક્ષા લઈને ગયાં હતાં
ત્યારે તેમની પત્નીનો ફોન આવેલ કે, તમો ઘરે આવો આપણા લતામા રહેતા કીશન દેવીપુજક ઘરે ઘસી આવી મારી સાથે ઝઘડો કરે છે. જેથી તેઓ ઘરે ગયેલ અને તેમની પત્નીએ વાત કરેલ કે, હું વાસણ ધોતી હતી ત્યારે કીશન આપણા ઘરે આવેલ અને ગાળો આપી કહેલ કે, તારો દીકરો મારી દીકરીને ખરાબ ઈશારા કરે છે તેને સમજાવી દેજે તેમ કહી લોખંડનો પાઈપ મારવા જતા તેની પત્નીએ વચ્ચે પડી મને છોડાવેલ હતી.
બાદમાં તેઓએ 100 નંબરમા ફોન કરતા પોલીસની ગાડી આવી ગયેલ અને પોલીસની સાથે કીશનના ઘરે જતા તેને જાહેરમા જ્ઞાતિ પ્રત્યે હડધૂત કરી તને અહીયા રહેવા દેવો નથી અને અહીયા રહીશ તો જાનથી મારી નાખીશ તેવી ધમકી આપી હતી અને પોલીસ તેને પોલીસ મથકે લઈ આવી હતી. બનાવ અંગેની ફરિયાદ પરથી યુનિવર્સિટી પોલીસે આરોપી વિરુદ્ધ એટ્રોસિટી એક્ટ સહિતની કલમ હેઠળ ગુનો નોંધી તપાસ હાથ ધરી હતી.

આ પ્રકારના તમામ સમાચાર માટેે App ડાઉનલોડ કરો.