સોડા બોટલનો ઘા કરવા મામલે ઇમીટેશનના ધંધાર્થી પર પિતા-પુત્ર સહિત ત્રણનો હુમલો
સંતકરબીર રોડ પર સોડા બોટલનો ઘા કરવા મામલે ઇમીટેશનના ધંધાર્થી પર પિતા-પુત્ર સહિત ત્રણ શખસોએ હુમલો કરતાં યુવાનનો પગ ભાંગી ગયો હતો. બનાવ અંગે થોરાળા પોલીસ મથકે ફરીયાદ નોંધાઈ હતી.
બનાવ અંગે પેડક રોડ પર રત્નદીપ સોસાયટીમાં રહેતાં કૌશલભાઈ અશોકભાઈ અગ્રાવત (ઉ.વ.32) એ ફરિયાદમાં આરોપી તરીકે સંદીપ તેના પિતા પ્રવિણ અને એક અજાણ્યાં શખ્સનું નામ આપી જણાવ્યું હતું કે, તેઓ ઇમીટેશનનો ધંધો કરે છે. ગઈકાલે સાજના સાતેક વાગ્યે સંતકરબીર રોડ પાસે આવેલ શક્તિ સોસા શેરી નં 5 મા સંજયભાઇ સોલંકીનુ મકાન ઇમીટેશનનુ કામ ધંધો કરવા માટે ભાડેથી રાખેલ હોય ત્યા તેઓ બાજુમા આવેલ મકાન વાળા સંદિપ સાથે ઉભેલ હતો.
જે દરમ્યાન મકાનની પાછળથી ખાલી કાચની બોટલનો ધા સામે આવેલ ખુલ્લા પ્લોટમા ગયેલ જેથી સંદિપએ મને કહેલ કે, બોટલના ધા અહીં કરવા નહી જેથી મે કહેલ કે, હુ કાઈ જાણતો નથી જેથી તે ગાળો બોલી ઝધડો કરવા લાગેલ અને દરમ્યાન ત્યાજ રહેતા તેના પિતા તેના ધરેથી લાકડાનો ધોકો લઇને આવેલ અને ધોકા વડે માર મારેલ અને જાનથી મારી નાખવો છે તેવુ બોલવા લાગેલ અને બાજુમા રહેતા એક શખ્સ ધોકો લઇને આવેલ અને માથામા ધોકો ઝીંકી દિધેલ હતો.
બાદમાં લોકો દોડી આવતાં આરોપી નાસી છૂટ્યા હતાં અને તેઓને 108 મારફતે સિવિલ હોસ્પિટલમાં સારવાર અર્થે ખસેડાતા પગમાં તેમને ફેક્ચર આવ્યું હતું. બનાવ અંગેની ફરિયાદ પરથી થોરાળા પોલીસે ગુનો નોંધી આરોપીની શોધખોળ હાથ ધરી હતી.
9879405838
આ પ્રકારના તમામ સમાચાર માટેે
App ડાઉનલોડ કરો.