ડભોડાની શ્રી એમ. એચ. વિદ્યામંદિર માં 78 માં સ્વાતંત્ર્ય પર્વની ભવ્ય ઉજવણી કરવામાં આવી…

ડભોડા ખાતે શ્રી કેળવણી મંડળ સંચાલિત શ્રી એમ એચ વિદ્યામંદિરમાં આજે 15મી ઓગસ્ટ સ્વતંત્રતા પર્વની ભવ્ય ઉજવણી કરવામાં આવી હતી. આઝાદીના પર્વ નિમિત્તે વિદ્યાર્થીઓ તથા શિક્ષક ગણો તેમજ ઉપસ્થિત રહેલા ગ્રામજનો મોટી સંખ્યામાં હાજર રહ્યા હતા. પ્રમુખશ્રી હસમુખભાઈ કે. પટેલ ઉર્ફે ડી . કે.પટેલનાં હસ્તે ધ્વજવંદન કરાયું હતુ. ઉપપ્રમુખશ્રી મહોબતસિહ ઠાકોર, મંત્રીશ્રી હિંમતસિંહ પી.પરમાર, મંડળનાં સૌ હોદેદારો શાળાના આચાર્ય શ્રી ડૉ વિનોદકુમાર બી. પાંડે તેમજ ગામનાં સરપંચશ્રી , વાલીગણ, ગ્રામજનો તેમજ સમગ્ર શાળા પરિવાર દ્વારા દેશપ્રેમ ને દેશ ભાવના વ્યકત કરવામાં આવી જેમાં શાળાના વિદ્યાર્થી ભાઈઓ અને બહેનો દ્વારા દેશ ભક્તિ ગીત, વકૃત્વ સ્પર્ધા, વગેરે જેવા કાર્યક્રમ અને સૂત્રોચાર દ્વારા પ્રભાતફેરી કરીને સમગ્ર વાતાવરણ દેશ પ્રેમના રંગે રંગી દીધું...
આ ઉપરાંત કેળવણી મંડળ દ્રારા શાળાના એકાઉન્ટના મદદનીશ શિક્ષક શ્રી નીતિનભાઈ પટેલને શ્રેષ્ઠ શિક્ષક તરીકે સન્માનિત કરવામાં આવ્યા અને S.S.C તેમજ H.S.C બોર્ડની પરિક્ષામાં પ્રથમ ત્રણ નંબર લાવનાર વિદ્યાર્થી ભાઈઓ અને બહેનોને ઈનામ વિતરણ કરી સન્માનિત કરવામાં આવ્યા.
રિપોર્ટર મહેશસિંહ રાઠોડ દહેગામ

આ પ્રકારના તમામ સમાચાર માટેે App ડાઉનલોડ કરો.