સેવાલિયાના એસટી બસ સ્ટેશનમાં પડેલા ખાડાઓથી મુસાફરોને હાલાકી

- ઠેર ઠેર પાણી ભરાતા કાદવ અને ગંદકી- બહાર નિકળી આવેલા સળિયાઓને કારણે પણ બસમાં બેસવા જતી વખતે ઇજા પહોંચે છેસેવાલિયા : ગળતેશ્વર તાલુકામાં આવેલા સેવાલીયા ખાતેના એસટી બસ સ્ટેશનમાં પડેલા મોટા ખાડાઓને કારણે મુસાફરોને હાલાકી પડી રહી છે. રજૂઆતો કરવા છતાં કોઇ પગલાં લેવામાં આવતા નથી.સેવાલિયા બસ સ્ટેન્ડમાં પ્રવેશદ્વારમાં મસ મોટા ખાડા પડી ગયેલા છે તેમજ તેમાં વપરાયેલા સળિયા પણ બહાર નીકળી ગયા હોવાના કારણે બસ સ્ટેન્ડમાં પ્રવેશતા મુસાફરોને હેરાન પરેશાન થવાનો વારો આવ્યો છે. કેટલીક વખત બસમાં બેસવા જતા કેટલાક મુસાફરોના પગ સળિયામાં ભરાઈ જવાના કારણે તો કેટલીક વખત ખાડાઓમાં પાણી ભરાઈ ગયેલ હોવાથી અંદાજ નહિ આવતો હોવાના કારણે ખાડા માં પગ પડતા  તેઓને પગમાં મચકોડ આવવાના બનાવો પણ બનતા રહે છે. આ બાબતે વારંવાર મૌખિક રજૂઆત કરવા છતાં આજ દિન સુધી કોઈપણ જાતનો સુધારો કરવામાં આવ્યો નથી. આ ખાડાઓની તાકિદે મરામત કરવામાં આવે તેમ મુસાફરો ઇચ્છી રહ્યાં છે.

આ પ્રકારના તમામ સમાચાર માટેે App ડાઉનલોડ કરો.