રાજકોટના કોઠારીયા સોલવન્ટમાં પત્નીના વિયોગમાં પટેલ યુવકનો ફાંસો ખાઈ આપઘાત
રાજકોટના કોઠારીયા સોલવન્ટ રોડ પર રામદૂત કારખાનાની સામે અવંતિકા રેસિડેન્સીમાં રહેતાં અક્ષય પ્રવીણભાઈ ઠૂંમર (ઉ.વ.21) નામના પટેલ યુવકે ગળાફાંસો ખાઈ આપઘાત કરી લેતાં પરિવારમાં અરેરાટી વ્યાપી ગઈ હતી. બનાવ અંગે જાણ થતાં આજીડેમ પોલીસ મથકનો સ્ટાફ ઘટનાસ્થળે દોડી ગયો હતો.
પ્રાપ્ત વિગત મુજબ, મૃતક અક્ષય બે ભાઈમાં નાનો અને મજૂરીકામ કરતો હતો. ગઈકાલે તેમનો પરિવારજનો સબંધીને ત્યાં બેસવા માટે ગયેલ હતો. તેં દરમિયાન અક્ષય બપોરના સમયે ઉપરના માળે સુવા માટે ગયેલ હતો. ત્યારે પંખાના હુકમાં ઓછાડ વડે ફાંસો લગાવી આપઘાત કરી લીધો હતો. બાદમાં તેના દાદીમા ઘરે આવી રૂમમાં જોયું તો પૌત્ર લટકતો જોવા મળતાં આક્રંદ મચાવ્યો હતો. બાદમાં દોડી આવેલા પરિવારજનોએ 108 ને જાણ કરતાં 108 ના ઇએમટીએ તેને તપાસી મૃત જાહેર કર્યા હતાં. બનાવ અંગે જાણ થતાં આજીડેમ પોલીસ મથકના હેડ કોન્સ્ટેબલ એમ.ડી.પરમાર સહિતનો સ્ટાફ દોડી ગયો હતો અને જરૂરી કાગળો કરી મૃતદેહને પીએમ અર્થે સિવિલ હોસ્પિટલમાં ખસેડવામાં આવ્યો હતો.
વધુમાં પોલીસે જણાવ્યું હતું કે, મૃતક અક્ષયના બે વર્ષ પહેલાં લગ્ન થયેલ હતાં અને છ માસના લગ્નગાળા દરમિયાન જ તેમની પત્નીનું મોત નિપજતાં તે ત્યારથી ગુમસુમ રહેતો હતો. અંતે કંટાળીને અંતિમ પગલું ભરી લીધાનું પ્રાથમિક તારણ બહાર આવ્યું હતું. જુવાનજોધ પુત્રના મોતથી પરિવારમાં આક્રંદ સાથે શોક છવાયો હતો.
9879405838
આ પ્રકારના તમામ સમાચાર માટેે
App ડાઉનલોડ કરો.