દાણીલીમડા ચાર રસ્તા: ટ્રાફિકજામનો અંત ક્યારે?

અમદાવાદ શહેરની ટ્રીફિક સમસ્યા દિવસેને દિવસે ગંભીર બની રહી છે, અને દાણીલીમડા ચાર રસ્તા આ સમસ્યાનો એક મુખ્ય ઉદાહરણ બની ગયો છે. સાંજના સાતથી નવ વાગ્યા દરમિયાન, અહીં વાહનોથી ભરચક રસ્તાઓ, બેફામ હોર્નના અવાજ અને અંધાધૂંધ અવરજવર લોકો માટે નવો માથાનો દુઃખાવો બની ગયો છે.

ટ્રાફિકજામના મુખ્ય કારણો

રોંગ સાઈડમાં આવનાર વાહનચાલકો:
અહીની મુખ્ય સમસ્યા એ છે કે કેટલાક વાહનચાલકો ટૂંકો રસ્તો કાપવા માટે રોંગ સાઈડમાં ઘુસી જાય છે, જે અન્ય વાહનચાલકો માટે મુશ્કેલી ઊભી કરે છે અને ટ્રાફિકજામને વધુ ગંભીર બનાવે છે.

અયોગ્ય સર્કલની રચના:
મ્યુનિસિપલ કોર્પોરેશન દ્વારા મસમોટું સર્કલ આ ચાર રસ્તા પર બનાવવામાં આવ્યું છે, પરંતુ તે યોગ્ય જગ્યાએ નથી, જેના કારણે વાહન વ્યવહાર વધુ તંગ બન્યો છે. જો આ સર્કલને વધુ યોગ્ય જગ્યાએ ખસેડવામાં આવે, તો ટ્રાફિકજામની સમસ્યામાં નોંધપાત્ર ઘટાડો થઈ શકે.

અનધિકૃત પાર્કિંગ:
ચોંકસમો વિતાવે તેવું દ્રશ્ય એ છે કે રસ્તાના કિનારા પર ગેરકાયદેસર રીતે પાર્ક કરાયેલા વાહનો ટ્રાફિક માટે વધુ મુશ્કેલીઓ ઊભી કરે છે. આ અવ્યવસ્થિત પાર્કિંગને હટાવવાથી પણ જામની સમસ્યાનો ઉકેલ લાવી શકાય.

108 એમ્બ્યુલન્સ પણ ફસાઈ જાય!
આ સમસ્યાનો સૌથી ગંભીર પાસો એ છે કે દાણીલીમડા ચાર રસ્તા પર 108 એમ્બ્યુલન્સ અને અગ્નિશામક વાહનો પણ વારંવાર ફસાઈ જાય છે, જે આપત્તિ-કાળમાં જીવલેણ સાબિત થઈ શકે.

ટ્રાફિકજામ નિવારણ માટે શક્ય ઉકેલ

ટ્રાફિક પોલીસ માટે:

CCTV કેમેરા દ્વારા સતત નજર રાખવી અને રોંગ સાઈડમાં આવનારા વાહનચાલકો સામે તાત્કાલિક દંડ ફટકારવો.

પીક અવર્સમાં વધુ પોલીસ તહેનાત કરવી, જેથી ટ્રાફિક નિયંત્રણ વધુ અસરકારક બને.

જાહેર જનજાગૃતિ અભિયાન ચલાવવું, જેથી લોકો ટ્રાફિક નિયમોનું પાલન કરવા પ્રેરાય.

મ્યુનિસિપલ કોર્પોરેશન માટે:

દાણીલીમડા સર્કલને વધુ યોગ્ય જગ્યાએ ખસેડવા માટે તાત્કાલિક સમીક્ષા કરવી.

અનધિકૃત પાર્કિંગ દૂર કરવા માટે ખાસ ડ્રાઈવ ચલાવવી.

રસ્તાઓનું વિસ્તરણ અને ટ્રાફિક સિગ્નલનું નવું આયોજન કરવું.

વાહનચાલકો માટે:

રોંગ સાઈડમાં જવાની ટેવ ત્યજી, નિયમિત માર્ગનો જ ઉપયોગ કરવો.

પબ્લિક ટ્રાન્સપોર્ટ વધુ ઉપયોગમાં લેવો, ખાસ કરીને પીક અવર્સમાં.

અયોગ્ય પાર્કિંગ ટાળવી અને ટ્રાફિક પોલીસ સાથે સહયોગ આપવો.

શું તંત્ર તાત્કાલિક પગલાં લેશે?

દાણીલીમડા ચાર રસ્તા પર ટ્રાફિકજામ માત્ર વાહનચાલકો માટે જ નહીં, પરંતુ સમગ્ર શહેર માટે એક ગંભીર સમસ્યા બની રહ્યું છે. હવે પ્રશ્ન એ છે કે તંત્ર આ પરિસ્થિતિને ગંભીરતાથી લઈ યોગ્ય પગલાં લેશે? કે પછી વાહનચાલકો અને સ્થાનિક લોકો હજી પણ ટ્રાફિકજામની હાલાકી સહન કરતા રહેશે?

તમારા મત મુજબ દાણીલીમડા ચાર રસ્તા પર ટ્રાફિકજામ ટાળવા શું કરવું જોઈએ?

સૌરાંગ ઠકકર
અમદાવાદ જીલ્લા બ્યુરો ચીફ

9586241119
આ પ્રકારના તમામ સમાચાર માટેે App ડાઉનલોડ કરો.