હિંમતનગર નગરપાલિકા દ્વારા પ્રશંસનીય કાર્ય કરવામાં આવ્યું

હિંમતનગર નગરપાલિકા દ્વારા પ્રશંસનીય કાર્ય કરવામાં આવ્યું.........શ્રી હિંમત હાઇસ્કુલ ,હિંમતનગરના ટાવર સર્કલ પાસેના મુખ્ય દરવાજાની બાજુમાં યુજીવીસીએલ દ્વારા ડીપી અને મીટર લગાવવામાં આવ્યા હતા.જે શાળામાં આવતા વિદ્યાર્થીઓ, વાલીઓ મુલાકાતીઓ અને સ્ટાફ મિત્રો માટે નડતરરૂપ અને જોખમી હતા. ઘણા લાંબા સમયથી કેળવણી મંડળ તથા શાળાના આચાર્યશ્રી એસ.એસ.પટેલ દ્વારા રજૂઆત કરવામાં આવતી હતી. લાંબા સમયથી આ કામ પેન્ડિંગ હતું.એક મહિના પહેલા શાળાના સિનિયર શિક્ષક શ્રી પી.જે.મહેતા દ્વારા નગરપાલિકાના પ્રમુખ શ્રીમતી યતિનબેન મોદીને રૂબરૂ મળીને રજૂઆત કરવામાં આવી હતી. તેમાં શાળાના શિક્ષક, નગરપાલિકાના શાસક પક્ષના નેતા, કોર્પોરેટર શ્રી શશીકાંતભાઈ સોલંકી,શ્રી દિલીપભાઈ પટેલ તથા શાળાના ભૂતપૂર્વ વિદ્યાર્થી અને કોર્પોરેટર શ્રી ડિકુલભાઇ ગાંધીએ વ્યક્તિગત રસ લઈને સ્થળની મુલાકાત લઈ કામ પૂરું કરવાની ખાતરી આપી હતી. આજે આ કામ પૂરું કર્યું છે તે બદલ શાળા પરિવાર વતીથી નગરપાલિકાના પ્રમુખશ્રી તથા કોર્પોરેટરશ્રીને ખૂબ ખૂબ અભિનંદન અને ધન્યવાદ પાઠવવામાં આવે છે.

આ પ્રકારના તમામ સમાચાર માટેે App ડાઉનલોડ કરો.