મિત્રો સાથે ચા પીવા ગયેલા ૧૭ વર્ષના અયાન શેખનું બાઇક થાંભલામાં અથડાવાને લીધે મોત
બેડી ચોકડીથી માધાપર ચોકડી વચ્ચે મઢુલી હોટેલ નજીક રાત્રીના સાડા ત્રણેક વાગ્યે બાઇક અકસ્માતમાં ૧૭ વર્ષના અયાન આબીદભાઇ શેખ (રહે. રૃખડીયાપરા રાજીવનગર)નું ગંભીર ઇજા થતાં મોત થતાં પરિવારમાં માતમ છવાયો હતો.
અયાનને રાતે ગંભીર હાલતમાં સિવિલ હોસ્પિટલમાં ખસેડાયો હતો. તેને મઢુલી હોટેલ પાસે અકસ્માત નડ્યાનું મિત્રએ જણાવતાં હોસ્પિટલ ચોકીના રામશીભાઇ વરૃ અને ધર્મેન્દ્રભાઇ હુદડે બી-ડિવીઝનને જાણ કરી હતી. પણ હદ પ્ર.નગરની હોવાનું ખુલતાં પીએસઆઇ પી. કે. પઢીયાર અને પ્રશાંતભાઇએ કાર્યવાહી કરી હતી.
અયાન બે ભાઇમાં નાનો હતો. મોટા ભાઇનું નામ અકમલ છે. પિતા આબીદભાઇ અબ્દુલભાઇ શેખ રિક્ષા હંકારે છે. અયાન રેસકોર્ષમાં ચકરડીઓમાં નોકરી કરતો. તેની સાથે જ કામ કરતાં મિત્ર અલ્ફાઝ બેલીમે જણાવ્યું હતું કે રાતે બાર સાડાબારે અમે ચકરડીનું કામ પુરુ કરીને નીકળ્યા બાદ મઢુલી હોટલે ચા પીવા ગયા હતાં. અમે બધા ચા પીતા હતાં ત્યારે અયાન બાઇક લઇને ચક્કર મારવા નીકળ્યો હતો. પણ મોડે સુધી પાછો ન આવતાં અમે તપાસ કરવા જતાં તે મારૃતિના શો રૃમ નજીકના રોડ પાસે ઝાડી જાખરામાં ફસાયેલો મળ્યો હતો. તેનું બાઇક જોતાં થાંભલામાં અથડાયુ હોવાનું જણાયું હતું. અમે તેને બેભાન હાલતમાં હોસ્પિટલે ખસેડ્યો હતો. પણ તેનુ઼ મૃત્યુ થયું હતું. પોલીસે આ બનાવ હિટ એન્ડ રનનો છે કે પછી બાઇક થાંભલામાં અથડાતાં બનાવ બન્યો? તે અંગે તપાસ હાથ ધરી છે.
9879405838
આ પ્રકારના તમામ સમાચાર માટેે
App ડાઉનલોડ કરો.