એક ઓક્ટોબરથી ભાવનગર રેલવે ડિવિઝન પર ટ્રેનોનું નવું ટાઈમ ટેબલ લાગુ થશે

*એક ઓક્ટોબરથી ભાવનગર રેલવે ડિવિઝન પર ટ્રેનોનું નવું ટાઈમ ટેબલ લાગુ થશે*
પશ્ચિમ રેલવેના ભાવનગર ડિવિઝનમાં 1 ઓક્ટોબર, 2022થી નવું ટાઈમ ટેબલ લાગુ કરવામાં આવી રહ્યું છે. આમાં, કેટલીક ટ્રેનોની સ્પીડ વધારવામાં આવી રહી છે, જેના કારણે આ ટ્રેનો તેમના પૂર્વ નિર્ધારિત સમય પહેલા ગંતવ્ય સ્ટેશન પર પહોંચી જશે. ભાવનગર ડિવિઝનના આસિસ્ટન્ટ કોમર્શિયલ મેનેજર નીલાદેવી ઝાલાએ માહિતી આપી હતી કે ભાવનગર ડિવિઝનની 24 ટ્રેનો તેમના પૂર્વ નિર્ધારિત સમય કરતાં 5 મિનિટથી 45 મિનિટ પહેલાં દોડશે. એ જ રીતે 18 ટ્રેનો પૂર્વ નિર્ધારિત સમય કરતાં 5 મિનિટથી 45 મિનિટ મોડી ઉપડશે અને ડિવિઝનની 5 ટ્રેનોની સ્પીડમાં વધારો કરવામાં આવ્યો છે, જેના કારણે આ ટ્રેનો તેમના નિર્ધારિત સમય કરતાં 5 થી 10 મિનિટ પહેલાં સ્ટેશન પર પહોંચશે. યાત્રિયોને આનો સંપૂર્ણ લાભ મળશે અને તેઓ તેમના સ્થાન પર પહોંચવામાં સમય બચાવશે. ભાવનગર ડિવિઝનના ભાવનગર ટર્મિનસ, મહુવા, પોરબંદર, વેરાવળ, કાનાલુસ, બોટાદ, દેલવાડા, પાલિતાણા, ગાંધીગ્રામ, લુણીધાર, અમરેલી, જૂનાગઢ અને અન્ય સ્ટેશનોના સમયમાં ફેરફાર થશે, જેમાં આ ટ્રેનો તેમના અગાઉના નિર્ધારિત સમય પહેલા કે પછી આવશે. પશ્ચિમ રેલ્વે મુસાફરોને અપીલ કરે છે કે નવા ટાઈમ ટેબલ મુજબ મુસાફરી કરતી વખતે રેલ્વે ઈન્કવાયરી નંબર 139 અથવા વેબસાઈટ www. wr. indianrailways. gov. in ની મુલાકાત લો.

Report by Nikul Dabhi
9016415762

આ પ્રકારના તમામ સમાચાર માટેે App ડાઉનલોડ કરો.