જામનગરના લાખોટા લેકમાં જામનગરના પોલીસ દળ તેમજ એસઆરપી ગ્રુપના જવાનો દ્વારા ફ્લેગ માર્ચ યોજાઈ

જામનગર,તા.13 ઓગષ્ટ 2022,શનિવારજામનગરના લાખોટા લેકમાં આઝાદીના અમૃત મહોત્સવની ઉજવણી ના ભાગરૂપે જામનગરના પોલીસ વિભાગ તેમજ એસઆરપી ગ્રુપ ચેલા-૧૭ ના જવાનો દ્વારા ફ્લેગ માર્ચ યોજવામાં આવી હતી. જે ફ્લેગમાર્ચ નિહાળીને શહેરીજનો મંત્રમુગ્ધ બન્યા હતા. આઝાદી ના અમૃત મહોત્સવની ઉજવણીના ભાગરૂપે  'દેશ કી આન બાન ઓર શાન તિરંગા' અને 'ઘર ઘર તિરંગા, હરઘર તિરંગા' ના સૂત્ર સાથે ગુજરાત રાજ્ય અનામત પોલીસ દળ જૂથ -૧૭ ચેલા સેક્ટરના જવાનો તેમજ જામનગર પોલીસના જવાનો દ્વારા લાખોટા તળાવમાં ફ્લેગમાર્ચ યોજવામાં આવી હતી. એસઆરપી ગ્રુપના તમામ જવાનો પૂર્ણ ગણવેશ સાથે હાથમાં તિરંગો લઈને લાખોટા લેક પરિસરમાં એકત્ર થયા હતા, અને બેન્ડની સુરાવલી સાથે માર્ચપાસ્ટ કરી હતી. જામનગરના જિલ્લા પોલીસવડા પ્રેમસુખ ડેલૂના માર્ગદર્શન હેઠળ આર પી.આઇ,પુવાર ના નેતૃત્વમાં પરેડનું આયોજન કરવામાં આવ્યું હતું. જેમાં પણ બેન્ડની સુરાવલી સાથે હથિયારધારી મહિલા સહિતના પોલીસ જવાનો જોડાયા હતા, અને માર્ચપાસ્ટ કરી હતી. જેને નિહાળીને સૌ શહેરીજનો મંત્ર મુગ્ધ બન્યા હતા.

આ પ્રકારના તમામ સમાચાર માટેે App ડાઉનલોડ કરો.