આજથી 70+ વૃદ્ધોને ₹5 લાખની મફત સારવાર:PMએ દિલ્હી-બંગાળના વૃદ્ધોની માફી માગતા કહ્યું- હું તમારી સેવા નહીં કરી શકુ; 18 રાજ્યોમાં રૂ. 12,850 કરોડના હેલ્થ પ્રોજેક્ટ્સ લોન્ચ

વડાપ્રધાન નરેન્દ્ર મોદીએ મંગળવારે ધન્વંતરી જયંતિ અને 9મા આયુર્વેદ દિવસ પર દેશભરમાં રૂ. 12,850 કરોડના સ્વાસ્થ્ય પ્રોજેક્ટનું ઉદ્ઘાટન કર્યું હતું. તેઓ દિલ્હીના અખિલ ભારતીય આયુર્વેદ સંસ્થાન (AIIA) ​​​​​પહોંચ્યા હતા. આ દરમિયાન, આયુષ્માન ભારત પ્રધાનમંત્રી જન આરોગ્ય યોજના (PM-JAY) નું કવરેજ વિસ્તરણ કરવામાં આવ્યું હતું. આ અંતર્ગત 70 વર્ષ અને તેથી વધુ વયના સીનિયર સિટીઝનને 5 લાખ રૂપિયાની મફત સારવાર મળશે. આ સાથે તેમણે ઋષિકેશ એઈમ્સથી દેશની પ્રથમ એર એમ્બ્યુલન્સ સંજીવની પણ શરૂ કરી હતી. PMએ ઘણા રાજ્યોમાં વર્ચ્યુઅલ રીતે વિવિધ આરોગ્ય સેવાઓ પણ શરૂ કરી હતી. દિલ્હી-બંગાળના વૃદ્ધોની માફી માંગી, કહ્યું- રાજકીય સ્વાર્થ સેવા કરવા નથી દેતો આ દરમિયાન પીએમએ દિલ્હી-બંગાળમાં આ યોજનાનો અમલ ન કરવા બદલ માફી માંગી. PMએ કહ્યું- 'હું દિલ્હી અને બંગાળના 70 વર્ષથી વધુ ઉંમરના વડીલોની માફી માગું છું કે હું તમારી સેવા કરી શકીશ નહીં.
હું માફી માંગુ છું કે હું જાણું છું કે તમે પીડામાં છો. પરંતુ હું મદદ કરી શકીશ નહીં. કારણ- દિલ્હી અને બંગાળની સરકારો આ યોજનામાં જોડાઈ રહી નથી. PM મોદીના ભાષણના મોટા મુદ્દા... PMએ કહ્યું-ધનતેરસના દિવસે સૌભાગ્ય અને સ્વાસ્થ્યની આ ઉજવણી માત્ર એક સંયોગ નથી. આ ભારતીય સંસ્કૃતિના જીવન દર્શનનું પ્રતીક છે. ઋષિમુનિઓએ કહ્યું છે કે આરોગ્ય એ પરમ સૌભાગ્ય અને પરમ ધન છે. કહેવાય છે કે હેલ્થ ઈઝ વેલ્થ. પ્રાચીન ચિંતન આજે આયુર્વેદ દિવસના રૂપમાં સમગ્ર વિશ્વમાં પ્રસરી રહ્યું છે. આપણા બધા માટે ખુશીની વાત છે કે આજે 150થી વધુ દેશોમાં આયુર્વેદ દિવસની ઉજવણી કરવામાં આવી રહી છે. આ આયુર્વેદ તરફ વધતા વૈશ્વિક આકર્ષણનું પ્રતિક છે. ભારત તેના પ્રાચીન અનુભવો દ્વારા વિશ્વને કેટલુંયે આપી શકે છે. છેલ્લા 10 વર્ષમાં દેશના આયુર્વેદના જ્ઞાનને નૈતિક ચિકિત્સા સાથે જોડીને સ્વાસ્થ્ય ક્ષેત્રે એક નવો અધ્યાય ઉમેરાયો છે. 7 વર્ષ પહેલા આજના દિવસે મને અખિલ ભારતીય આયુર્વેદ સંસ્થાને દેશને સમર્પિત કરવાની તક મળી. આજે હું એ જ દિવસે બીજા તબક્કાની ઓફર કરી રહ્યો છું. પંચકર્મ અને આયુર્વેદની આધુનિક આરોગ્ય સંભાળનો સમન્વય જોવા મળશે. દેશના નાગરિકો જેટલા સ્વસ્થ હશે, તેટલી જ પ્રગતિ પણ સારી થશે. મજૂર ભાઈઓ અને બહેનોની સારવાર માટે ઘણી હોસ્પિટલો બનાવવામાં આવી, જેનું ઉદ્ઘાટન કરવામાં આવ્યું છે. અદ્યતન દવાની સાથે તેમાં ઉચ્ચ ગુણવત્તાવાળા ઈમ્પ્લાન્ટ પણ બનશે. આપણામાંના મોટાભાગના લોકો એવી પૃષ્ઠભૂમિમાંથી આવે છે જ્યાં બીમારીનો અર્થ સમગ્ર પરિવાર પર વીજળીનો ચમકારો થાય છે. જો ગરીબ ઘરની એક વ્યક્તિ બીમાર પડે તો તેની અસર ઘરના દરેક સભ્ય પર પડે છે. એક સમય હતો જ્યારે લોકોને સારવાર માટે તેમના ઘર, જમીન અને ઘરેણાં વેચવા પડતા હતા. સારવારનો ખર્ચ સાંભળીને જ ગરીબનો આત્મા કંપી જતો હતો. વૃદ્ધ માતા વિચારી રહી હતી કે તેની સારવાર કરાવવી જોઈએ કે તેના પૌત્ર-પૌત્રીઓનું શિક્ષણ. ગરીબ પરિવારોના વડીલોએ ચૂપચાપ સહન કરવાનો માર્ગ દેખાતો હતો. પૈસાના અભાવે સારવાર ન મળી શકવાની લાચારીથી ગરીબ માણસ પર આભ તુટી પડતું હતું. રાજ્યોમાં ઈન્ફ્રાસ્ટ્રક્ચર અને સેવાઓ વધારવા માટેના પ્રોજેક્ટનો શિલાન્યાસ કર્યો આ સિવાય હિમાચલ પ્રદેશના બિલાસપુર, પશ્ચિમ બંગાળના કલ્યાણી, બિહારના પટના, ઉત્તર પ્રદેશના ગોરખપુર, મધ્ય પ્રદેશના ભોપાલ, આસામના ગુવાહાટી અને નવી દિલ્હીની એમ્સમાં સુવિધાઓ અને સેવાઓ વધારવામાં આવ્યો હતો. તેમાં જન ઔષધિ કેન્દ્રનો પણ સમાવેશ થાય છે. બિલાસપુર, છત્તીસગઢમાં સરકારી મેડિકલ કોલેજમાં સુપર સ્પેશિયાલિટી બ્લોક અને બારગઢ, ઓડિશા ખાતે ક્રિટિકલ કેર બ્લોકનું ઉદ્ઘાટન કર્યું. આયુષ્માન ભારત હેલ્થ ઈન્ફ્રાસ્ટ્રક્ચર મિશન હેઠળ હિમાચલ પ્રદેશ, કર્ણાટક, મણિપુર, તમિલનાડુ અને રાજસ્થાનમાં 21 ક્રિટિકલ કેર બ્લોકનો શિલાન્યાસ કર્યો. PMએ હરિયાણાના ફરીદાબાદ, કર્ણાટકમાં બોમ્માસન્દ્રા અને આંધ્રપ્રદેશના નરસાપુર, અચ્યુતાપુરમ ખાતે ESIC હોસ્પિટલોનો શિલાન્યાસ કર્યો હતો. આ પ્રોજેક્ટ્સમાંથી લગભગ 55 લાખ ESI લાભાર્થીઓને હેલ્થકેરનો લાભ મળશે. ઓડિશાના ખોરધા અને છત્તીસગઢના રાયપુરમાં નેચરોપેથી રિસર્ચ કેન્દ્રનો શિલાન્યાસ કરવામાં આવ્યો હતો. મેડિકલ સાધનો માટે ગુજરાતમાં અમદાવાદ, જથ્થાબંધ દવાઓ માટે તેલંગાણામાં હૈદરાબાદ, ફાર્માસ્યુટિકલ્સ માટે આસામમાં ગુવાહાટી અને એન્ટી-બેક્ટેરિયલ અને એન્ટિ-વાયરલ દવાઓના રિસર્ચ માટે પંજાબમાં મોહાલી સેન્ટરનો શિલાન્યાસ કર્યો હતો. જે પ્રોજેક્ટ લોન્ચ કરવામાં આવ્યા હતા. રાજ્યોમાં શરૂ થતા આરોગ્ય પ્રોજેક્ટ મધ્યપ્રદેશ: રાજ્યની સૌથી મોટી ESIC સુપર સ્પેશિયાલિટી હોસ્પિટલનું ઉદ્ઘાટન મંદસૌર, નીમચ અને સિઓનીમાં ત્રણ મેડિકલ કોલેજનું પણ ઉદ્ઘાટન કર્યું. એમ્પ્લોઈઝ સ્ટેટ ઈન્સ્યોરન્સ કોર્પોરેશન (ESIC)ની રાજ્યની સૌથી મોટી હોસ્પિટલ ઈન્દોરમાં તૈયાર છે. PMએ 3.78 કરોડ રૂપિયાના ખર્ચે બનેલી આ સુપર સ્પેશિયાલિટી હોસ્પિટલનું ઉદ્ઘાટન કર્યું. આ સિવાય તેમણે શિવપુરી, રતલામ, ખંડવા, રાજગઢ અને મંદસૌરમાં પાંચ નર્સિંગ કોલેજનો શિલાન્યાસ પણ કર્યો હતો. છત્તીસગઢ: પ્રથમ નેચરોપેથી સેન્ટર, બિલાસપુર સિમ્સનું પણ ઉદ્ઘાટન
PM મોદી છત્તીસગઢમાં 290 કરોડ રૂપિયાના પ્રોજેક્ટનું ઉદ્ઘાટન કર્યુ. આ પ્રોજેક્ટ્સમાં બિલાસપુરમાં સુપર સ્પેશિયાલિટી હોસ્પિટલ સિમ્સનું ઉદ્ઘાટન અને સેન્ટ્રલ યોગ અને નેચરોપેથી રિસર્ચ ઇન્સ્ટિટ્યૂટનો શિલાન્યાસ સામેલ છે. આ ઉપરાંત, રાયપુરમાં 100 પથારીવાળી સેન્ટ્રલ રિસર્ચ ઇન્સ્ટિટ્યૂટ ઓફ યોગ એન્ડ નેચરોપેથી (CRIYN) નો શિલાન્યાસ કરવામાં આવ્યો. આયુષ્માન યોજના સાથે જોડાયેલા આ સમાચાર પણ વાંચો... આજથી 70 થી વધુ વૃદ્ધોને આયુષ્માન યોજના હેઠળ આવરી લેવામાં આવ્યા, 6 કરોડ લોકોને મફતમાં સારવાર મળશે હવે 70 વર્ષ અને તેથી વધુ ઉંમરના તમામ લોકોને આયુષ્માન ભારત યોજનાનો લાભ મળશે. આ યોજના હેઠળ દર વર્ષે 5 લાખ રૂપિયા સુધીની મફત સારવાર આપવામાં આવશે. મફત સારવાર માટે કોઈ શરતો રહેશે નહીં. આવક, પેન્શન, બેંક બેલેન્સ, જમીન અથવા જુની બિમારીના આધારે કોઈપણ વૃદ્ધ વ્યક્તિને આ યોજનાના દાયરામાંથી બાકાત રાખવામાં આવશે નહીં. તેનાથી 6 કરોડ લોકોને ફાયદો થશે.

આ પ્રકારના તમામ સમાચાર માટેે App ડાઉનલોડ કરો.