આરોગ્ય અને પરિવાર કલ્યાણ મંત્રી ડૉ. એસ.પી. સિંહ બઘેલને ઈંડાના પ્રચાર પર પુનર્વિચાર કરવા સમસ્ત મહાજન ની વિનંતી

આરોગ્ય અને પરિવાર કલ્યાણ મંત્રી ડૉ. એસ.પી. સિંહ બઘેલને

ઈંડાના પ્રચાર પર પુનર્વિચાર કરવા સમસ્ત મહાજન ની વિનંતી

ભારત સરકારનાં એનીમલ વેલ્ફેર બોર્ડનાં સભ્ય અને સમસ્ત મહાજનનાં મેનેજીંગ ટ્રસ્ટી ડૉ. ગિરીશ શાહ અને ભારત સરકારનાં પશુપાલન મંત્રાલયનાં માનદ સલાહકાર સમિતિ સભ્ય મિત્તલ ખેતાણી દ્વારા ભારત સરકારનાં આરોગ્ય અને પરિવાર કલ્યાણ મંત્રી ડૉ. એસ.પી. સિંહ બઘેલને સ્વાસ્થ્ય અને નૈતિક ચિંતાઓના આધારે ઈંડાના પ્રચાર પર પુનર્વિચાર કરવા વિનંતી કરાઈ વિશ્વ ઈંડા દિવસનાં પ્રસંગે ભારત સરકાર દ્વારા પ્રસારીત થયેલા તાજેતરની જાહેરાતના સંદર્ભમાં, જેમાં ઈંડા ખાવાની સિફારિશ કરવામાં આવી છે તેના પર પુનર્વિચાર કરવા ભારત સરકારનાં એનીમલ વેલ્ફેર બોર્ડનાં સભ્ય અને સમસ્ત મહાજનનાં મેનેજીંગ ટ્રસ્ટી ડૉ. ગિરીશ શાહ અને ભારત સરકારનાં પશુપાલન મંત્રાલયનાં માનદ સલાહકાર સમિતિ સભ્ય મિત્તલ ખેતાણી દ્વારા ભારત સરકારનાં આરોગ્ય અને પરિવાર કલ્યાણ મંત્રી ડૉ. એસ.પી. સિંહ બઘેલને રજૂઆત કરાઈ છે.
ઘણા અભ્યાસોમાં જોવા મળ્યું છે કે અતિશય ઈંડા ખાવાથી હૃદયરોગ, ડાયાબિટીસ અને કેટલાક કેન્સરનો જોખમ વધી શકે છે. ઈંડામાં કોલેસ્ટ્રોલ વધુ હોય છે, જે હૃદયરોગ સાથે જોડાયેલ છે. હકીકતમાં, જર્નલ ઑફ ધ અમેરિકન મેડિકલ એસોસિએશન (JAMA) માં પ્રકાશિત થયેલા અભ્યાસમાં એવું જાણવા મળ્યું કે ઈંડામાં રહેલ કોલેસ્ટ્રોલને હૃદયરોગ અને વહેલી મૃત્યુ સાથે જોડવામાં આવ્યું છે. ઉદ્યોગ ધોરણે પણ ઈંડાનું ઉત્પાદન ભારે ક્રૂરતાથી થાય છે. બેટરી કેજ સિસ્ટમમાં મરઘીઓને નાના પિંજરોમાં બંધ કરવામાં આવે છે, જ્યાં તેઓ અત્યંત તાણગ્રસ્ત અને અમાનવીય પરિસ્થિતિઓમાં રહે છે. ઈંડા ઉત્પાદનની આવી ક્રૂર પ્રક્રિયાઓને લઈને વૈશ્વિક સ્તરે પ્રાણી કલ્યાણ સંસ્થાઓ ચિંતિત છે.દાળ અને બીજ જેવા છોડ આધારિત પ્રોટીન અને પોષણના સ્ત્રોત એ ઈંડાની તુલનામાં વધુ આરોગ્યપ્રદ છે અને સારા પોષક તત્ત્વો આપે છે. જેમ કે ચણા અને સોયાબીનમાં પ્રોટીન, આયર્ન અને વિટામિન ભરપૂર હોય છે, અને તે હૃદય માટે ઈંડાની તુલનામાં વધુ લાભકારી છે. તેનો પ્રચાર પ્રસાર કરવો જોઈએ. આ માટે ઈંડા ખાવાના પ્રચાર પર પુનર્વિચાર કરી, ઈંડાની જાહેરાતને પાછી હટાવવા તેમજ તેના બદલે ટકાઉ, નૈતિક અને આરોગ્યપ્રદ શાકાહારી વિકલ્પોને પ્રોત્સાહન આપવા ભારત સરકારનાં એનીમલ વેલ્ફેર બોર્ડનાં સભ્ય અને સમસ્ત મહાજનનાં મેનેજીંગ ટ્રસ્ટી ડૉ. ગિરીશ શાહ અને ભારત સરકારનાં પશુપાલન મંત્રાલયનાં માનદ સલાહકાર સમિતિ સભ્ય મિત્તલ ખેતાણી દ્વારા રજૂઆત કરાઈ છે.

રિપોર્ટ નટવરલાલ ભાતિયા

આ પ્રકારના તમામ સમાચાર માટેે App ડાઉનલોડ કરો.