બરવાળા તાલુકાના ચોકડી ગામે સરકારી શાળામાં તા. ૧૭/૦૯/૨૦૨૪ના મંગળવારના રોજ સેવા સેતુ કાર્યક્રમ યોજાશે

રાજ્ય સરકારની પ્રજાલક્ષી યોજનાઓનો લાભ પ્રજાને સતત મળતો રહે અને સરકારની વિવિધ કલ્યાણકારી સેવાઓ તેમના રહેઠાણના નજીકના સ્થળે તે જ દિવસે પ્રાપ્ત થઇ શકે તેવા ઉમદા હેતુને ધ્યાને લઇ સરકારશ્રીએ તાલુકા કક્ષાએ “સેવાસેતુ (ગ્રામ્ય)-(દશમો તબક્કો)” કાર્યક્રમ યોજાઈ રહ્યો છે જેના અનુસંધાને
બરવાળા તાલુકાના ચોકડી ગામે સરકારી શાળામાં આગામી ૧૭/૦૯/૨૦૨૪ના મંગળવારના રોજ સવારના ૦૯.૦૦ કલાક થી સાંજના ૦૫.૦૦ કલાક સુધી સેવાસેતુ કાર્યક્રમ યોજાનાર છે આ કાર્યક્રમમાં બરવાળા તાલુકાના ચોકડી, અંકેવાળીયા, શાહપુર, નભોઇ,પીપરીયા, રોજીદ અને રાણપરી ગામના લોકો પોતાના પ્રશ્નો-રજુઆતો સ્થળ ઉપર કરી શકશે. આ કાર્યક્રમમાં આવક, જાતિ, ક્રિમિલેયર, ડોમીસાઇલ, વરિષ્ઠ નાગરીક પ્રમાણપત્ર, દિવ્યાંગ પ્રમાણપત્રને લગતા દાખલાઓ, રાશનકાર્ડને લગતી અરજીઓ, આધારકાર્ડ, પ્રધાનમંત્રી જન આરોગ્ય કાર્ડ, વિધવા સહાય, વૃધ્ધ નિરાધાર સહાય તેમજ રાજ્ય સરકારના કૃષિ, ખેડુત કલ્યાણ અને સહકાર વિભાગ, ગ્રામ વિકાસ, સમાજ કલ્યાણ અને આદિજાતિ વિભાગ જેવા સરકારના જુદા જુદા ૧૩ વિભાગોની નાગરીકોને મળતી ૫૫ જેટલી જાહેર યોજના હેઠળના લાભો સ્થળ ઊપર કાર્યવાહી કરી મેળવી શકાશે તેમ મામલતદાર, બરવાળા દ્વારા જણાવાયું છે.

બોટાદ બ્યુરો: ચિંતન વાગડીયા

મો:૮૦૦૦૮૩૪૮૮૮

આ પ્રકારના તમામ સમાચાર માટેે App ડાઉનલોડ કરો.