દેશમા મોનસૂન ટ્રેકર:UPમાં ખરાબ હવામાનને કારણે 2 ફ્લાઈટ ડાયવર્ટ કરાઈ, 8 મોડી; પુણેમાં ધોધમાર વરસાદ, ઓડિશામાં છેલ્લા 2 દિવસમાં વીજળી પડવાથી 15ના મોત

રવિવારે UPમાં ખરાબ હવામાનને કારણે લખનઉ આવી રહેલી 2 ફ્લાઈટ ડાયવર્ટ કરવામાં આવી હતી અને 8 ફ્લાઈટ મોડી પડી હતી. દિલ્હીથી આવતી ઈન્ડિગો ફ્લાઈટને વારાણસી અને મસ્કતથી આવતી ફ્લાઈટને દિલ્હી ડાયવર્ટ કરવામાં આવી હતી. રાજ્યના 34 જિલ્લામાં આજે વરસાદનું એલર્ટ છે. પુણેમાં વરસાદ બાદ રસ્તાઓ પર, અંડરપાસમાં અને લોકોના ઘરોમાં પાણી ભરાઈ ગયા હતા. શહેરમાં અનેક જગ્યાએ ટ્રાફિક જામ સર્જાયો હતો. રવિવારે સાંજે વડગાંવ શેરી વિસ્તારમાં 101.5 મીમી વરસાદ નોંધાયો હતો. IMDએ કહ્યું- આગામી 2 દિવસ પુણેમાં વરસાદ પડશે. ઓડિશામાં છેલ્લા 48 કલાકમાં વીજળી પડવાથી 15 લોકોના મોત થયા છે. રવિવારે રાજ્યમાં અલગ-અલગ સ્થળોએ 6 લોકોના મોત થયા હતા, જ્યારે 4 લોકો ઘાયલ થયા હતા. હવામાન વિભાગે 19-20 ઓગસ્ટના રોજ ઓડિશાના 10 જિલ્લામાં ભારે વરસાદનું યલો એલર્ટ જાહેર કર્યુ છે. MP-UP સહિત 11 રાજ્યોમાં આજે વરસાદનું એલર્ટ દેશભરમાંથી વરસાદની તસવીરો... 20 ઓગસ્ટે 18 રાજ્યોમાં વરસાદનું એલર્ટ રાજ્યોમાં હવામાનની સ્થિતિ... ઉત્તર પ્રદેશ: આજે 34 જિલ્લામાં વરસાદનું એલર્ટ, લખનૌમાં વરસાદને કારણે 2 ફ્લાઈટ ડાયવર્ટ કરાઈ; 8 મોડી પડી યુપીમાં આગામી 4 દિવસ સુધી ભારે વરસાદની સંભાવના છે. આજે 34 જિલ્લામાં વરસાદનું એલર્ટ છે. હવામાન વિભાગે બસ્તી, ગોંડા અને આસપાસના વિસ્તારોમાં ભારેથી અતિભારે વરસાદની આગાહી કરી છે. આગ્રા અને બરેલીમાં રાત્રે ભારે વરસાદ પડ્યો હતો. રાજસ્થાનઃ 22 ઓગસ્ટથી ફરી શરૂ થશે વરસાદ, 11 જિલ્લામાં ચોમાસું એક્ટિવ થશે રાજસ્થાનમાં હાલ વરસાદનો માહોલ નથી. રવિવારે પણ રાજ્યમાં મોટાભાગના સ્થળોએ હવામાન સ્વચ્છ રહ્યું હતું. જયપુર, અલવર અને ભરતપુરના વિસ્તારોમાં મોડી સાંજે વરસાદ પડ્યો હતો. 22 ઓગસ્ટથી ચોમાસું ફરી સક્રિય થવાની શક્યતા છે. છત્તીસગઢઃ 4 જિલ્લામાં રાત્રે 10 વાગ્યા સુધી ઓરેન્જ એલર્ટ, સુરગુજા-બિલાસપુર ડિવિઝનના 8 જિલ્લામાં 3 દિવસ સુધી ભારે વરસાદ છત્તીસગઢના બસ્તર, બીજાપુર, સુકમા અને દંતેવાડા જિલ્લાઓ માટે સવારે 10 વાગ્યા સુધી ઓરેન્જ એલર્ટ જાહેર કરવામાં આવ્યું હતું. આ જિલ્લાઓમાં ભારે પવન સાથે ભારે વરસાદ પડી શકે છે. સુરગુજા અને બિલાસપુર વિભાગના 8 જિલ્લાઓ માટે આજે યલો એલર્ટ જાહેર કરવામાં આવ્યું છે. હરિયાણા: ચોમાસું ફરી એક્ટિવ, આજથી 2 દિવસ સુધી ભારે વરસાદની આગાહી હરિયાણામાં ફરી એકવાર ચોમાસું એક્ટિવ થયું છે. જો કે તેની અસર માત્ર 2 દિવસ જ રહેશે. આજે હરિયાણાના ઉત્તરીય વિસ્તારોમાં વરસાદ પડી શકે છે. સાથે જ અન્ય કેટલાક વિસ્તારોમાં હળવાથી મધ્યમ વરસાદની આગાહી કરવામાં આવી છે.

આ પ્રકારના તમામ સમાચાર માટેે App ડાઉનલોડ કરો.