સામંથા ફરીથી પ્રેમમાં પડી?:’ધ ફેમિલી મેન’ના દિગ્દર્શક રાજ નિદિમોરુને ડેટ કરી રહી હોવાની ચર્ચા; એક્સ હસબન્ડની ચાર દિવસ પહેલા સગાઈ થઈ હતી

અભિનેત્રી સામંથા રૂથ પ્રભુનું અંગત જીવન હંમેશા સમાચારોમાં રહે છે. તેણે 2017માં એક્ટર નાગ ચૈતન્ય સાથે લગ્ન કર્યા હતા. પરંતુ 2021માં તેમના છૂટાછેડા થઈ ગયા. હવે સામંથાના અંગત જીવન વિશે નવા સમાચાર આવી રહ્યા છે. રિપોર્ટ્સ અનુસાર, તે ડિરેક્ટર રાજ નિદિમોરુને ડેટ કરી રહી છે. ટાઈમ્સ નાઉના અહેવાલ મુજબ, સામંથા અને રાજ વચ્ચે ડેટિંગના અહેવાલો છે. જોકે, આ વાતની પુષ્ટિ થઈ નથી. રાજ અને ડીકે સાથે સામંથાની કાર્યકારી ભાગીદારીએ આ અહેવાલોને વેગ આપ્યો છે. આ અંગે બંને તરફથી હજુ સુધી કોઈ પ્રતિક્રિયા આવી નથી. રાજ નિદિમોરુ રાજ અને ડીકેની જોડીનો ભાગ છે, જેમણે ઘણી હિટ ફિલ્મો આપી છે. સામંથાએ તેની સાથે આગામી થ્રિલર સિરીઝ'સિટાડેલ: હની બન્ની' સહિત અનેક પ્રોજેક્ટ્સ પણ કર્યા છે. રાજના અંગત જીવનની વાત કરીએ તો તેણે શ્યામલી ડે સાથે લગ્ન કર્યા છે. છૂટાછેડા પછી, સામંથાએ ઘણી વખત તેના જીવન વિશે ખુલીને વાત કરી છે. 2022 માં માયોસાઇટિસ સામે લડ્યા પછી, તેણે પોતાનો સંઘર્ષ પણ શેર કર્યો. એલે ઈન્ડિયા સાથેના તાજેતરના ઈન્ટરવ્યુમાં તેણે કહ્યું કે છેલ્લા ત્રણ વર્ષ તેના માટે મુશ્કેલ રહ્યા છે, પરંતુ હવે તે શાંત અને સ્થિર છે. વર્ક ફ્રન્ટ પર, સામંથાની થ્રિલર સિરીઝ 'સિટાડેલ: હની બન્ની' આ નવેમ્બરમાં OTT પર રિલીઝ થશે.

આ પ્રકારના તમામ સમાચાર માટેે App ડાઉનલોડ કરો.