પડધરીના હડમતીયા ગામે કુવામાં અકસ્માતે પડી જતાં વૃદ્ધનું મોત

પાણી સિંચતી વેળાએ ખેડૂતનો પગ લપસતા દુર્ઘટના સર્જાઈ, પરિવારમાં કલ્પાંત

રાજકોટ શહેરના પડધરી તાલુકાના હડમતીયા ગામે રહેતા વૃદ્ધનું કૂવામાંથી પાણી સીંચતા પગ લપસી જવાથી મોત નિપજ્યું છે.બનાવ અંગે પોલીસ વધુ તપાસ હાથધરી છે.રાજકોટ શહેરના પડધરી તાલુકાના હડમતીયા ગામે રહેતા ભાડાભાઈ કમાભાઈ મુંગરા (ઉં.વ.૭૦) નામના વૃદ્ધનું વાડીમાં કૂવામાંથી પાણી સિંચતી વેળાએ પગ લપ્ટી જતા મોત નિપજ્યું છે. પોલીસની પ્રાથમિક તપાસમાં ભાડાભાઈ ગત રાત્રીના અગિયારેક વાગ્યાના અરસામાં કૂવામાંથી પાણી ભરી રહ્યા હતા, ત્યારે પગ લપ્ટી જતાં કુવામાં પટકાવાથી વૃદ્ધનું મોત નિપજ્યું છે. બનાવ અંગે પડધરી પોલીસને જાણ થતાં એએસઆઈ કે.કે.ગઢવી સહિતના સ્ટાફે સ્થળે પહોંચી જરૂરી કાગળો કરી મૃતદેહને પીએમ અર્થે ખસેડી વધુ તપાસ હાથધરી છે. બનાવ અંગે વધુ તપાસ એએસઆઈ કેકેગઢવી ચલાવી રહ્યા છે. બનાવથી પરિવારમાં શોકનું મોજુ ફરી વળ્યુ છે

રિપોર્ટર - નિખીલ ભોજાણી

આ પ્રકારના તમામ સમાચાર માટેે App ડાઉનલોડ કરો.