બાલાસિનોર ટાઉન પોલીસ તથા મહીસાગર એલ.સી.બી. દ્વારા વડદલા પાસેથી 628 પેટી વિદેશી દારૂ ભરેલ આઇસર ટ્રક ઝડપી પાડવામાં આવ્યો

*

બાલાસિનોર ટાઉન પોલીસ સ્ટેશન તથા જીલ્લા એલ.સી.બી દ્વારા વડદલા આશીવાદ હોટલ સામેથી ખુલ્લા ખેતરમાંથી ભારતીય બનાવટનો વિદેશીદારૂ ભરેલ આઇસર ટ્રક સાથે કુલ્લે કિમત ૩૯,૪૯,૬૦૦/- નો મુદ્દામાલ પકડી પાડી ગણનાપાત્ર કેસ શોધતી બાલાસિનોર ટાઉન પોલીસ*

બાલાસિનોર ટાઉન પોલીસ ઇન્સ્પેકટર અનસુમન.એન.નિનામા નાઓએ બાલાસિનોર ટાઉન પોલીસ સ્ટેશનનાં કર્મચારીઓને પ્રોહીબીશનની હેરાફેરી કરતા તથા જુગારની પ્રવૃતિ ચાલતી સંભવિત જગ્યાઓ તથા પ્રોહી બુટલેગર ઉપર વોચ રાખી રેઇડો કરવા સુચના કરેલ.

જે સુચના અન્વયે આજરોજ તા.૦૧/૦૮/૨૦૨૪ નાં નાઇટ પેટ્રોલીગ દરમ્યાન બાલાસિનોર પી.સી.આર માં ફરજ બજાવતા અ.પો.કો શૈલેષભાઇ ખેંગારભાઈ નાઓને ખાનગી બાતમીદાર થી બાતમી મળેલ કે બાલાસિનોર વડદલા રોડ ઉપર આવેલ આશીર્વાદ હોટલ સામે આવેલ ખેતરો તરફ જવાના કાચા રોડ ઉપર ડાબી બાજુના પથ્થરો વાળા ખેતરમાં એક આઇસર ટ્રકમાં ભારતીય બનાવટનો વિદેશી દારૂ ભરેલ હાલતમાં છે.જે બાતમી હકીકત આધારે બાલાસિનોર ટાઉન પોલીસ તથા જીલ્લા એલ.સી.બી શાખાનાં પોલીસ માણસો નાઓએ ઉપરોકત જગ્યાએ રેઇડ કરતા મહારાષ્ટ્ર રાજયની આઇસર ટ્રક નંબર MH-18-BG-2795 માં ભારતીય બનાવટનાં વિદેશીદારૂનાં કાચના તથા પ્લાસ્ટીકના કર્વાટર તથા કાચની બોટલો મળી કુલ્લે નંગ-૨૦,૧૭૪ કિ.રૂ.૨૭,૪૯,૬૦૦/- તથા આઇસર ટ્રક નં. M+18-BG-2795ની આશરે કિ.રૂ.૧૨,૦૦,૦૦૦/- મળી કુલ્લે રૂ. ૩૯,૪૯,૬૦૦/- નો મુદ્દામાલ પકડી પાડેલ હોય જે બાબતે ફરીયાદ દાખલ કરી આઇસર ટ્રકના ચાલક તેમજ દારૂનો જથ્થો ભરી આપનાર તથા દારૂનો જથ્થો મંગાવનાર અજાણ્યા ઇસમો વિરુદ્ધ ગુન્હો રજીસ્ટર કરી કાયદેસરની કાર્યવાહી કરી આગળની તપાસ હાથ ઘરવામાં આવેલ છે.

*આરોપીઓનાં નામ* -

(૧) આઇસર ટ્રક નં. MH-18-BG-2795 નો ચાલક (રેઇડ દરમ્યાન નાસી જનાર અજાણ્યો ઇસમ)

(૨) આઇસર ટ્રક નં. MH-18-BG-2795 માં દારૂનો જથ્થો ભરી આપનાર અજાણ્યો ઇસમ

(૩) દારૂનો જથ્થો મંગાવનાર અજાણ્યો ઇસમ

(૪) આઇસર ટ્રક નં. MH-18-BG-2795 નો માલીક તથા પોલીસ તપાસમાં મળી આવે તે તમામ

રિપોર્ટર છત્રસિંહ ચૌહાણ મહીસાગર

આ પ્રકારના તમામ સમાચાર માટેે App ડાઉનલોડ કરો.