પંજાબમાં ટ્રેનમાં બોમ્બના સમાચારથી અફરાતફરી મચી:જમ્મુ તાવી એક્સપ્રેસ ફિરોઝપુરમાં રોકવામાં આવી; ટ્રેન અમદાવાદ આવી રહી હતી, સર્ચ કરવામાં આવતા કોઈ બોમ્બ મળ્યો નહીં

પંજાબના ફિરોઝપુરમાં મંગળવારે સવારે ટ્રેનમાં બોમ્બ મુક્યો હોવાની સુચના બાદ જમ્મુ તાવીથી અમદાવાદ જતી એક્સપ્રેસ ટ્રેનને રોકી દેવામાં આવી છે. કાસુબેગુ રેલવે સ્ટેશન પર ટ્રેનમાં કરવામાં આવી રહી છે. ટ્રેનમાં મુસાફરી કરી રહેલા તમામ મુસાફરોને નીચે ઉતારી દેવામાં આવ્યા છે. રેલવે અને પોલીસ અધિકારીઓ ઘટનાસ્થળે પહોંચી ગયા છે. રેલવે અધિકારીઓના જણાવ્યા અનુસાર, ટ્રેન બોમ્બની માહિતી ત્યારે મળી જ્યારે ટ્રેન ફિરોઝપુર રેલવે સ્ટેશનથી ફિરોઝપુર-ભટિંડા સેક્શન પર ફરીદકોટ રેલવે સ્ટેશન તરફ રવાના થઈ. તરત જ ટ્રેનને કાસુબેગુ રેલવે સ્ટેશન પર રોકી દેવામાં આવી. ફિરોઝપુર કેન્ટ રેલવે સ્ટેશન પર મોટી સંખ્યામાં એમ્બ્યુલન્સ અને મેડિકલ ટીમને બોલાવવામાં આવી છે. હાલમાં રેલવે અધિકારીઓ તરફથી કોઈ સત્તાવાર નિવેદન આવ્યું નથી. જો કે, રેલવે સાથે જોડાયેલા સૂત્રોનું કહેવું છે કે બોમ્બની માહિતી માત્ર અફવા છે. ચેકિંગ પૂર્ણ થઈ ગયું છે, ટ્રેનમાંથી કોઈ બોમ્બ મળ્યો નથી. 2 ટ્રેનો રોકી દેવામાં આવી હતી જમ્મુ તાવી-અમદાવાદ એક્સપ્રેસ ટ્રેનમાં બોમ્બ હોવાની માહિતીને પગલે ફરીદકોટ-ગોલેવાલા રેલવે સ્ટેશન વચ્ચે ભટિંડા-ફિરોઝપુર પેસેન્જર ટ્રેન અને અમદાવાદ-જમ્મુ તાવી એક્સપ્રેસ ટ્રેનને રોકી દેવામાં આવી છે. મુસાફરો માટે ખાવા-પીવાની વ્યવસ્થા કરી રેલવે અધિકારીઓએ એક્સપ્રેસ ટ્રેનમાં મુસાફરી કરતા મુસાફરો માટે ખાવા-પીવાની વ્યવસ્થા કરી છે. રેલ્વે સ્ટેશને પણ ડોગ સ્કવોડ બોલાવીને તપાસ કરવામાં આવી રહી છે. અમે સમાચાર અપડેટ કરી રહ્યા છીએ... આ સમાચાર પણ વાંચોઃ- પંજાબમાં ડ્રાઈવર વગર 78 કિ.મી. ગુડ્સ ટ્રેન દોડી ગઈ: ડ્રાઈવર હેન્ડબ્રેક ચાલુ કરવાનું અને લગાવવાનું ભૂલી ગયો જમ્મુ-કાશ્મીરના કઠુઆથી ગુડ્સ ટ્રેન (14806R) ડ્રાઇવર-ગાર્ડ વિના પંજાબ પહોંચી હતી. ગુડ્સ ટ્રેન લગભગ 78 કિલોમીટર સુધી આ રીતે દોડતી રહી. હોશિયારપુરના ઉચી બસ્સી રેલ્વે સ્ટેશન પર લાકડાના સ્ટોપર લગાવીને તેને અટકાવવામાં આવ્યું હતું. ઘટના બાદ રેલવે મંત્રી અશ્વિની વૈષ્ણવે તપાસના આદેશ આપ્યા છે. કઠુઆ રેલ્વે સ્ટેશન પર ડ્રાઈવરે ગુડ્સ ટ્રેનનું એન્જીન ચાલુ કરી દીધું અને હેન્ડ બ્રેક લગાવ્યા વગર નીચે ઉતરી ગયો. પઠાણકોટ તરફ ઢોળાવને કારણે માલગાડીએ આગળ વધવા લાગી હતી.

આ પ્રકારના તમામ સમાચાર માટેે App ડાઉનલોડ કરો.