જવાનગઢ પાસે કાર-બાઈક વચ્ચે અકસ્માત, ૨નાં મોત

હિંમતનગર તાલુકાના જવાનગઢ ગામના સ્ટેન્ડ નજીક ૨ દિવસ અગાઉ કાર અને બાઈક વચ્ચે થયેલા અકસ્માતમાં ગંભીર રીતે ઘવાયેલા બંને ઈજાગ્રસ્તોનું સારવાર
દરમિયાન મોત થયા પછી મંગળવારે અકસ્માતની ઘટના અંગે ગાંભોઈ પોલીસ સ્ટેશનમાં કારચાલક વિરૂધ્ધ ફરિયાદ નોંધાવાઈ હતી. આ અંગે ભિલોડા તાલુકાના ગડાદર ગામના જીતેન્દ્રભાઈ ઉર્ફે જીતુભાઈ રામાભાઈ રાવળએ નોંધાવેલી ફરિયાદ મુજબ, ગત તા.૧૫ જુલાઈના રોજ સાંજના સુમારે જવાનગઢ ગામના સ્ટેન્ડ નજીકથી પસાર થઈ રહેલ કાર આરજે. ર૭બીએલ.૦૯૪૦ના ચાલકે પોતાની કાર પૂરઝડપે અને ગફલતભરી રીતે હંકારી લાવી અહીંથી પસાર થઈ રહેલ બાઈક જીજે.૦૯ડીસી.૬૬૩૧ને પાછળથી ટક્કર મારતાં અકસ્માત થયો હતો. આ અકસ્માતમાં રામાભાઈ તથા વસંતભાઈનું ગંભીર ઈજાને કારણે સારવાર દરમિયાન મોત થયું હતુ. ત્યારબાદ મંગળવારે જીતેન્દ્રભાઈ રાવળે કારચાલક વિરૂધ્ધ ગાંભોઈ પોલીસ સ્ટેશનમાં ફરિયાદ નોંધાવી હતી.

આ પ્રકારના તમામ સમાચાર માટેે App ડાઉનલોડ કરો.