કાર્યવાહી: ખેડવા ચેકપોસ્ટેથી લૂંટ અને ધાડના ગુનાનો આરોપી ઝબ્બે

ખેડબ્રહ્મા પોલીસ સ્ટેશનના લૂંટ ધાડના ગુનામાં છેલ્લા પાંચ માસથી નાસતો ફરતા આરોપીને ખેડવા ચેકપોસ્ટ પરથી ઝડપી પાડ્યો હતો.

સાબરકાંઠા પોલીસ અધિક્ષક વિજય પટેલ તથા વિભાગીય પોલીસ અધિક્ષક સ્મિત ગોહિલે ચૂંટણી અનુસંધાને નાસતા ફરતા આરોપીઓ પકડવાની અસરકારક કામગીરી કરવા સૂચના આપતાં જે અનુસંધાને ખેડબ્રહ્મા પી.એસ.આઈ. એ.વી.જોષી તથા સ્ટાફના માણસો ખેડવા ચેકપોસ્ટ ખાતે વાહન ચેકિંગમાં હતા. તે દરમ્યાન રાજસ્થાન મામેર તરફથી એક ઇકો આવતાં શખ્સ શંકાસ્પદ લાગતાં તેનુ નામઠામ પૂછતાં પોતાનુ નામ કાંતીભાઈ સાયબાભાઈ પારઘી રહે. પાણાઇ (આંબલી ફળીયુ) તા.ખેડબ્રહ્મા જી.સાબરકાંઠાનો હોવાનું જણાવતો હોઈ જેનું નામ પોકેટકોપમાં સર્ચ કરી જોતાં શખ્સ સામે ખેડબ્રહ્મા પોલીસ સ્ટેશનમાં લૂંટ અને ઘાડના ગુના નોંધાયા હતા અને છેલ્લા પાંચ માસથી નાસતો-ફરતો આરોપી હોવાનું જણાતાં પોલીસ સ્ટેશન લાવી કાર્યવાહી કરાઇ હતી.

ખેડબ્રહ્મા પોલીસે વાહન ચેકિંગમાં પકડ્યો

આ પ્રકારના તમામ સમાચાર માટેે App ડાઉનલોડ કરો.