બોટાદ જિલ્લા માહિતી કચેરી ખાતે ફરજ બજાવતા સુનિલભાઈ એન.મકવાણાનો વિદાય સમારોહ યોજાયો

બોટાદ જિલ્લા માહિતી કચેરી ખાતે ફરજ બજાવતા સુનિલભાઈ એન.મકવાણાનો વિદાય સમારોહ યોજાયો

બોટાદ જિલ્લા માહિતી કચેરી ખાતે કાર્યરત સુનિલભાઈ એન.મકવાણાનો વિદાય સમારોહ યોજાયો હતો.માહિતી મદદનીશ તરીકે ફરજ બજાવતા સુનિલભાઈ એન.મકવાણાની તાજેતરમાં સિનિયર સબ એડિટરના પ્રમોશન સાથે ભાવનગર ખાતે બદલી થઈ છે.આ અવસરે સહાયક માહિતી નિયામકશ્રી રાધિકાબેન વ્યાસે તેમને ઉજ્જવળ ભવિષ્યની શુભકામનાઓ આપી હતી તેમજ કચેરીના તમામ કર્મયોગીઓએ સુનિલભાઈને શુભેચ્છાઓ પાઠવી હતી,અત્રે ઉલ્લેખનીય છે કે નિષ્ઠાપૂર્વક ફરજ પ્રત્યે કાર્યશીલ રહેતા શ્રી સુનિલભાઈ વર્ષ 2019ની ભરતીમાં માહિતી ખાતામાં માહિતી મદદનીશ તરીકે નર્મદા જિલ્લામાં જોડાયા હતા. નર્મદા ખાતે ત્રણ વર્ષ ફરજ નિભાવ્યા બાદ તા. 27-05-2022ના રોજ તેમની બોટાદ ખાતે બદલી થઈ હતી.વિદાય સમારોહમાં તેમણે પોતાના બોટાદ જિલ્લા માહિતી કચેરી ખાતે બજાવેલી ફરજના સંસ્મરણો વાગોળ્યા હતા તથા સહાયક માહિતી નિયામક રાધિકાબેન વ્યાસ તેમજ તમામ કર્મયોગીઓનો આભાર વ્યક્ત કર્યો હતો.

રિપોર્ટ અસરફ જાંગડ

આ પ્રકારના તમામ સમાચાર માટેે App ડાઉનલોડ કરો.