રાજ્યપાલ આચાર્ય દેવવ્રતજીની વર્ચ્યુઅલ ઉપસ્થિતિમાં સાળંગપુર પ્રમુખસ્વામી પ્રાકૃતિક કૃષિ તાલીમ કેન્દ્રનો ઉદઘાટન કાર્યક્રમ યોજાશે

બોટાદના ખેડૂતોને પ્રાકૃતિક કૃષિ અંગે કરાશે માર્ગદર્શિત

રાજ્યપાલ આચાર્ય દેવવ્રતજીની વર્ચ્યુઅલ ઉપસ્થિતિમાં તા. 03 માર્ચના રોજ બરવાળા તાલુકાના સાળંગપુર ખાતે પ્રાકૃતિક કૃષિ તાલીમ કાર્યક્રમનું આયોજન કરવામાં આવ્યું છે આ કાર્યક્રમમાં બોટાદ જિલ્લા વિકાસ અધિકારી અક્ષય બુડાણીયા અને સાળંગપુર બી.એ.પી.એસ. મંદિરના પૂ.જ્ઞાનેશ્વર સ્વામીજીની પણ પ્રેરક ઉપસ્થિતિ રહેશે રવિવારના રોજ સવારે ૯:૦૦ કલાકે પ્રમુખસ્વામી પ્રાકૃતિક કૃષિ તાલીમ કેન્દ્ર, સાળંગપુર ખાતે આયોજિત “પ્રાકૃતિક કૃષિનો તાલીમ કાર્યક્રમ”માં તાલીમ કેન્દ્રનું ઉદઘાટન કરવામાં આવશે સાથોસાથ બોટાદ જિલ્લામાં પ્રાકૃતિક ઢબે કૃષિ કરતાં ખેડૂતો પોતાનો અનુભવ રજૂ કરશે આ કાર્યક્રમમાં રાજ્યપાલ આચાર્ય દેવવ્રતજી વર્ચ્યુઅલ રીતે તેમજ વિવિધ તજજ્ઞોની ઉપસ્થિતિમાં ખેડૂતોને પ્રાકૃતિક કૃષિ અંગે માર્ગદર્શિત કરશે, તેમ બોટાદનાં આત્મા પ્રોજેક્ટ ડાયરેક્ટરની અખબારી યાદીમાં જણાવાયું છે.

બોટાદ બ્યુરો: ચિંતન વાગડીયા

મો:૮૦૦૦૮૩૪૮૮૮

આ પ્રકારના તમામ સમાચાર માટેે App ડાઉનલોડ કરો.