આજીડેમ ચોકડી પાસે અજાણ્યાં વાહનની અડફેટે વૃધ્ધનું મોત
આજીડેમ ચોકડી પાસે અજાણ્યાં વાહનની અડફેટે મૂળી પંથકના વૃધ્ધનું ટૂંકી સારવારમાં મોત થતાં અરેરાટી વ્યાપી ગઈ હતી.
પ્રાપ્ત વિગત મુજબ, મૂળીના નાડધરી ગામમાં રહેતાં મનજીભાઈ વજાભાઇ ગેલડીયા (ઉ.વ.60) તેમનાં સગાને ત્યા રાજકોટ આવ્યાં હતાં. ગઇકાલે પરત ફરતી વેળાએ જુના માર્કેટિંગ યાર્ડનો પૂલ ઉતરતા આજીડેમ ચોકડી તરફ઼ જતા હતા.
દરમીયાન પાછળથી પૂરપાટ ઝડપે આવેલા અજાણ્યાં વાહને અડફેટે લેતાં તાકીદે 108 મારફત સિવિલ હોસ્પિટલમાં ખસેડવામા આવ્યા હતા. જ્યાં સારવારમાં મનજીભાઇએ દમ તોડી દીધો હતો. બનાવ અંગે સિવિલ ચોકીના સ્ટાફે આજીડેમ પોલીસને જાણ કરી હતી. મૃતકને છ દિકરા અને એક દિકરી હોવાનું પોલીસે જણાવ્યું હતું. બનાવથી પરિવવારમાં શોકનું મોજું ફરી વળ્યું હતું.
9879405838
આ પ્રકારના તમામ સમાચાર માટેે
App ડાઉનલોડ કરો.