ફેબ્રુઆરીમાં રાજકોટમાં છવાશે ક્રિકેટ ફીવર : 11 મીએ ટીમ ઈન્ડિયાનું આગમન

આગામી મહિને રાજકોટમાં ક્રિકેટ ફીવર છવાશે. ફરી થી ક્રિકેટ રસિકો માટે ટેસ્ટ મેચ માણવાનો અવસર પ્રાપ્ત થશે. ઇન્ડિયા અને ઇંગ્લેન્ડ ની પાંચ ટેસ્ટ ની શ્રેણીની ત્રીજી ટેસ્ટ મેચ 15 ફેબ્રુઆરી થી રાજકોટમાં રમાશે. આ જ શ્રેણીની પ્રથમ ટેસ્ટ મેચ હૈદરાબાદમાં રમાઈ હતી જેમાં ઇન્ડિયા ટીમની 28 રનથી હારી હતી. ત્યારબાદ હવે બીજી ટેસ્ટ વિશાખાપટનમમાં રમાશે જે 6 ફેબ્રુઆરીમાં પૂરી થશે. બીજી ટેસ્ટ બાદ રાજકોટના ટેસ્ટ વચ્ચે લાંબો ગેપ હોવાથી બંને ટીમ બ્રેક લેશે.
ટીમ ઈંડિયા ત્રીજી ટેસ્ટ પૂર્વે 11મી મુંબઈમાં એકત્રિત થશે અને બપોર સુધીમાં રાજકોટ આવશે. તો ઇંગ્લેન્ડ ટીમ બીજી ટેસ્ટ પૂરી કરી અબુ ધબી જશે અને ત્યારબાદ 12 તારીખે રાજકોટ આવશે. કેપ્ટન રોહિત શર્મા, શુભમન ગિલ, જસ્પ્રિત બુમરાહ, વિરાટ કોહલી, સહિત ટીમ ઇન્ડિયા હોટલ સયાજીમાં રહેશે અને 12,13,14 ફેબ્રુઆરીમાં રોજ સ્ટેડિયમ પર નેટ પ્રેક્ટિસમાં પરસેવો પાડશે.
તો ઇંગ્લેન્ડ ટીમ જે 12 તારીખે આવશે તે 13 અને 14 તારીખે નેટ પ્રેક્ટિસ કરશે. શ્રેણીની ત્રીજી ટેસ્ટ માણવા માટે લોકો ઓનલાઇન અને ઓફ લાઈન ટિકિટની ખરીદી કરી શકશે જે ફેબ્રુઆરીમાં પ્રથમ સપ્તાહથી શરૂ થશે.

સૌરાષ્ટ્ર ક્રિકેટ એસો.સ્ટેડિયમ પર શ્રેણીની અને અત્યારસુધી સ્ટેડિયમ પર રમાયેલ એમ ત્રીજી ટેસ્ટ મેચ રમાશે. ઉલ્લેખનિય છે કે રાજકોટ સૌપ્રથમ ટેસ્ટ પણ ઇન્ડિયા અને ઇંગ્લેન્ડ વચ્ચે 9 થી 13 નવેમ્બર ના રોજ રમાયો હતો જે ડ્રો ગયો હતો. ત્યારબાદ બીજી ટેસ્ટ ઇન્ડિયા અને વેસ્ટ ઈન્ડિઝ વચ્ચે બીજી ટેસ્ટ મેચ 4 થી 6 ઓકટોબર રમાઈ હતી જેમાં ઇન્ડિયા ઇનિંગ્સ અને 272 રનથી જીત્યું હતું. આ મેચમાં પૃથ્વી શો, વિરાટ કોહલી અને રવીન્દ્ર જાડેજાએ સદી ફટકારી હતી.

આ પ્રકારના તમામ સમાચાર માટેે App ડાઉનલોડ કરો.