થોરાળા પોલીસે દારૂનું પીઠું અને 300 લીટર દેશી દારૂ ઝડપી લીધો

થોરાળા પોલીસે દારૂનું પીઠું અને 300 લીટર દેશી દારૂ ઝડપી લીધો હતો. વિનોદનગર અને કુબલીયાપરામાં કાર્યવાહી કરી 8 શખ્સની અટકાયત કરી હતી. પીઆઈ બી.એમ. ઝણકાટના માર્ગદર્શન હેઠળ પીએસઆઇ પી.એમ. રાઠવાની રાહબરીમાં એ.એસ.આઈ. એચ.એમ. ઝાલા હેડ કોન્સ્ટબલ પ્રકાશભાઈ ખાંભરા વગેરે પેટ્રોલીંગમાં હતા
ત્યારે વિનોદનગર શેરી નં.1માં રહેતા મહેશ ઉર્ફે લાલો મુળજી પરમારના ઘરે દરોડો પડતા અહીં આરોપી જુદા જુદા શરાબીઓને દારૂ પૂરો પાડી પીઠું ચલાવતો મળી આવ્યો હતો. અહીં દારૂ પીવા આવેલા સુખદેવ ઉર્ફે અકુ હકાભાઇ પરમાર, રસીક ચકુભાઇ ચાવડા, કનૈયાલાલ સંતરામ જૈસવાલ, મુકેશ રામજીભાઇ પરમાર, અલ્તાફભાઈ અબ્બાસભાઇ રાઉમા, વિશાલભાઇ ધનશુખભાઈ વાઘેલાને ઝડપી લઈ ગુનો દાખલ કરાયો હતો.
અહીંથી 25 લીટર દારૂ ઝડપાયો હતો. કુબલીયાપરા શેરી નં.5માં આરોપી સાગર રાકેશ મકવાણાના ઘરે થોરાળા પોલીસે દરોડો પાડતા દારૂની ભઠ્ઠી ઝડપાઇ હતી. અહીંથી 6000ની કિંમતનો 300 લીટર દેશી દારૂ, 1200 લીટર આથો કબ્જે કરાયો હતો. આરોપીને ઝડપી ગુનો નોંધવામાં આવ્યો હતો.

આ પ્રકારના તમામ સમાચાર માટેે App ડાઉનલોડ કરો.