કોઠી કંપાઉન્ડના કવાટરમાંથી દારૂની 108 બોટલ સાથે કામરાજ આદીદ્રવીડ ઝડપાયો

કોઠી કંપાઉન્ડના કવાટરમાંથી દારૂની 108 બોટલ સાથે કામરાજ આદીદ્રવીડને પ્ર. નગર પોલીસ મથકની ટીમે રૂ.75500 ના મુદ્દામાલ સાથે દબોચી લીધો હતો. જ્યારે ક્વાર્ટરનો માલિક હરપાલસિંહ રાણા ફરાર થઈ જતાં તેની શોધખોળ હાથ ધરી હતી.
દરોડાની વિગત અનુસાર, પ્ર. નગર પોલીસ મથકના પીઆઈ મેહુલ ગોંડલીયાની રાહબરીમાં પીએસઆઈ બી.વી.ચુડાસમા ટીમ સાથે પેટ્રોલિંગમાં હતાં ત્યારે સાથેના એએસઆઈ ચેતન ચાવડા અને અરૂણ વરૂને કોઠી કંપાઉન્ડના કવાટર નં. 114 ડી 1 માં રહેતો હસ્પાલસિંહ રાણા પોતાના કવાટરમા દારૂનો જથ્થો સંતાળી માણસો મારફત દારૂની બોટલોનુ વેચાણ કરે છે
તેવી ચોક્કસ બાતમીના આધારે સ્ટાફે દરોડો પાડી ત્યાં હાજર કામરાજ વૈણસ્વામી આદીદ્રવીડ (ઉ.વ.30),(રહે લક્ષ્મીનગર શેરી નં.3 નો ખુણો) ની અટક કરી ક્વાર્ટરમાં તપાસ કરતાં રસોડામાંથી દારૂની 108 બોટલ મળી આવતાં આરોપીની ધરપકડ કરી દારૂ, બાઈક અને મોબાઈલ મળી કુલ રૂ.75500 નો મુદ્દામાલ કબ્જે કર્યો હતો. દારૂ અંગે પૂછતાછ કરતાં ક્વાર્ટરના માલિક હરપાલસિંહ રાણાએ દારૂની બોટલો મંગાવેલ અને પકડાયેલ શખ્સ દારૂનું છૂટક વેચાણ કરતો હોવાની કબૂલાત આપી હતી. પોલીસે ક્વાર્ટરના માલિક હરપાલસિંહ રાણાની શોધખોળ હાથ ધરી હતી.

આ પ્રકારના તમામ સમાચાર માટેે App ડાઉનલોડ કરો.