તારી દુકાન બંધ કરી દે જે નહીતર જાનથી મારી નાંખીસ’ કહી વેપારીને જયલા વ્યાસે ધમકી આપી

ખોડીયારપરા શેરીમાં તારી દુકાન બંધ કરી દે જે નહીતર જાનથી મારી નાંખીસ’ કહી વેપારીને જયલા વ્યાસ નામના શખ્સે ધમકી આપતાં માલવીયાનગર પોલીસ મથકે ફરીયાદ નોંધાઈ હતી.
બનાવ અંગે ખોડીયારપરા શેરી નં 6/7 નો ખૂણે રહેતાં સાજીદભાઈ દોસમોહમદભાઈ અભેસોરા (ઉ.વ.27) એ નોંધાવેલ ફરિયાદમાં આરોપી તરીકે જયદીપ ઉર્ફે જયલો રસિક વ્યાસનું નામ આપી જણાવ્યું હતું કે, તેઓ ખોડીયારપરા શેરી નં 6/7 ના ખુણા પર કિસ્મત પાનની દુકાન ચલાવી વેપાર કરે છે.
ગઈકાલે રાત્રીના દસ વાગ્યાની આસપાસ તેઓ દુકાને હાજર હતાં ત્યારે જયદીપ ઉર્ફે જયલોને ફરિયાદીના પાડોશી જયસુખભાઇ વ્યાસ સાથે દીવાળીના દીવસે ઝગડો કરેલ હતો. જે બાબતનો ખાર રાખી તે લતામાં છેલ્લા ચાર દીવસથી ફરતો હોય અને ગઈકાલે તેઓની દુકાને આવેલ અને ગાળો આપી બોલાચાલી કરવા લાગેલ અને કહેલ કે આ તારી દુકાન બંધ કરી દે જે નહીતર મારો દરરોજ ત્રાસ રહેશે તેમ કહીં જાનથી મારી નાખવાની ધમકી આપી હતી. દરમિયાન ફરિયાદીએ 100 નંબરમાં ફોન કરેલ તો જયદીપ ઉર્ફે જયેલો નાસી છૂટ્યો હતો. બનાવ અંગેની ફરિયાદ પરથી માલવીયાનગર પોલીસે ધમકીની કલમ હેઠળ ગુનો નોંધી તપાસ હાથ ધરી હતી.

આ પ્રકારના તમામ સમાચાર માટેે App ડાઉનલોડ કરો.