એમ કે શાહ લાટીવાળા ડી એલ એડ કોલેજ મોડાસા દ્વારા ઇન્ટર્નશીપ કાર્યક્રમ યોજાયો

એમ કે શાહ લાટીવાળા ડી એલ એડ કોલેજ મોડાસાના પ્રથમ વર્ષ ના તાલીમાર્થીઓ માટે પ્રથમ તબક્કાનો તથા દ્વિતીય વર્ષના તાલીમાર્થીઓ માટે તૃતીય તબક્કા નો ઇન્ટર્નશીપ કાર્યક્રમ ચારણ નગર પ્રાથમિક શાળા અને બ્લોક ફેક્ટરી પ્રાથમિક શાળામાં યોજવામાં આવ્યો હતો. સમગ્ર કાર્યક્રમ માટેનું માર્ગદર્શન આચાર્ય ગીતાબેન નીનામાએ પૂરું પાડ્યું હતું જ્યારે સમગ્ર કાર્યક્રમ નો કાર્યભાર પ્રધ્યાપક વ્રજેશ પંડ્યા અને રાજેશ પરમારે સંભાળ્યો હતો. આ કાર્યક્રમમાં તાલીમાર્થીઓએ શાળાના બાળકો પાસે ધૂન ભજન બાળગીત અભિનય ગીત બાળવાર્તા ઘડિયા ગાન તેમજ અન્ય સુષુપ્ત શક્તિઓ બહાર નીકળે તે માટે સ્પર્ધાઓ જેવી કે લીંબુ ચમચી, સંગીત ખુરશી, કોથળાદોડ, ચિત્ર સ્પર્ધા, અનુલેખન સ્પર્ધા, ગીત સ્પર્ધાનું આયોજન કરવામાં આવ્યું હતું. કાર્યક્રમના અંતે સાંસ્કૃતિક કાર્યક્રમ અને વિવિધ સ્પર્ધાઓ માટેના ઇનામ વિતરણ રાખી તાલીમાર્થીઓ દ્વારા પ્રોત્સાહન પૂરું પાડવામાં આવ્યું હતું. બંને શાળાના આચાર્યશ્રીઓ દ્વારા અને સ્ટાફ દ્વારા સંપૂર્ણ સહકાર પ્રાપ્ત થયો હતો. જેમાં પ્રભારી મંત્રી શ્રી ધીરેનભાઈ પ્રજાપતિ સાહેબ ઉપસ્થિત રહી શિક્ષકનું મહત્વ સમજાવી આશીર્વાદ પાઠવ્યા હતા. કાર્યક્રમમાં બંને શાળાના સી.આર.સી, એસએમસી અધ્યક્ષ, તાલુકા વિસ્તરણ અધિકારી, ગામના આગેવાનો, જાગૃત વાલીઓ ખાસ ઉપસ્થિત રહ્યા હતા. સમગ્ર કાર્યક્રમ માટે પ્રમુખશ્રી નવીનચંદ્ર મોદી સાહેબે શુભેચ્છાઓ પાઠવી હતી.
9879861009

આ પ્રકારના તમામ સમાચાર માટેે App ડાઉનલોડ કરો.