ચાર જુગાર કલબમાં દરોડા: તિનપતીનો જુગાર રમતા 25 બાજીગરોને પોલીસે દબોચ્યા

શહેરમાં શ્રાવણ માસના અંતિમ દિવસોમાં જુગારીઓ બેફામ બન્યા હોય તેમ પોલીસે ચાર દરોડા પાડી બંધબારણે પતા ટીંચતા 25 શખ્સોને દબોચી રૂા. ત્રણ લાખની મતા જપ્ત કરી કાયદેસરની કાર્યવાહી હાથ ધરી હતી.
દરોડાની વિગત અનુસાર શહેર ક્રાઈમ બ્રાંચના પીએસઆઈ એન.ડી. ડામોર ટીમ સાથે પેટ્રોલીંગમાં હતા ત્યારે સ્ટાફને મળેલ ચોકકસ બાતમીના આધારે મંગળા રોડ પર આવેલ મનહરપ્લોટ શેરી નં.5માં અયોધ્યા એપાર્ટમેન્ટના ફલેટ નં.203માં ચાલતી જુગાર કલબમાં દરોડો પાડી પતા ટીંચતા જગદીશ ઉર્ફે સંજય ભુપત પરમાર, કિરણ તુલસી ધામેલીયા (રહે.મનહરપ્લોટ શેરી નં.8), કમલેશ ડાયા તના (રંહે. ગોપલનગર શેરી નં.5) જગદીશ વસંત બગડાઈ (રહે.ગોપાલનગર શેરી નં.7) નિરવ પ્રવિણ સુરાણી (રહે. જયોતિનગર શેરી નં.2), અને રાજેશ દીલીપસિંહ
વાઘેલા (રહે. ઉદ્યોગનગર કોલોની)ને દબોચી રોકડ રૂા.60 હજાર, મોબાઈલ ફોન-6 બે બાઈક મળી રૂા.2.25 લાખનો મુદામાલ કબ્જે કર્યો હતો.
બીજા દરોડામાં વિરાણી અઘાટ પ્રગતી સોસાયટી શેરી નં.2માં આવેલ જય કોડીયાર ઈન્ડ. નામના કારખાનામાં જુગાર રમતા દિનેશ ભીમજી કાનાણી, પરેશ ઉર્ફે હકા કેશુ દેસાઈ હિરેન મનસુખ વસોયા અને દિવ્યેશ ગીરધર ઠુંમરને ભકિતનગર પોલીસે દબોચી રૂા.47250ની રોકડ કબ્જે કરી
હતી.
ત્રીજા દરોડામાં આહીર ચોક પાસે રજત સોસાયટી શેરી નં.2માં રહેતા રોહીત મધુ ટાંકના મકાનમાં બંધ બારણે ચાલતા જુગારમાં દરોડા પાડી રોહીત ટાંક, અશોક જીવરાજ કાચા, નિલેષ મધુ ટાંક, જગદીશ અરૂણ પરમાર, કિશોર જીવરાજ કાચા, રાજેષ અરૂણ પરમાર, સતીષ કાળુ ચોટલીયા, ધાર્મિક રાજેશ ટાંક, મયુર ખોડા ટાંક અને પ્રમોદ મુકેશ કુબાવતને પકડી રૂા.16580ની રોકડ કબજે કરી હતી.
ચોથા દરોડામાં અંજલીપાર્ક શેરી નં.2માં રહેતા યોગેશ ભગવાનજી વાઢેરના મકાનમાં બંધબારણે જુગાર રમતા યોગેશ વાઢેર, મહેશ મનહર ચૌહાણ, મનોજ રતીલાલ વાઢેર, સતીષ ઉર્ફે ભુરો રસીક વિસાણી અને મનીષ જયંતી ગોરાઈને ગાંધીગ્રામ પોલીસે પકડી રૂા.11620ની રોકડ કબ્જે કરી હતી.

આ પ્રકારના તમામ સમાચાર માટેે App ડાઉનલોડ કરો.