મશીનરીનાં સાધનો આપવાની ના પાડતા કારખાનેદાર પર હીચકારો હુમલો

આજી જીઆઈડીસીમાં આવેલ મીરા ઈન્ડ.માં મશીનરીનાં સાધનો આપવાની ના પાડતાં પટેલ કારખાનેદાર પર સ્ક્રોર્પીયો કારમાં ઘસી આવેલા બે વેપારી સહીત ત્રણ શખ્સોએ પાઈપથી હુમલો કરતા કારખાનેદારે લોહીલોહાણ હાલતમાં સારવારમાં ખસેડાયા હતા.
પ્રાપ્ત વિગત મુજબ સ્વામી નારાયણ ચોક પાસે ટપુ ભવન સોસાયટી શેરી નં.1 માં રહેતા નિતેશભાઈ સવજીભાઈ રામાણી ઉ.વ.45 આજી આઈડીસીમાં આવેલ મીરા ઈન્ડ.માં ફેબ્રીકેશનનુ કારખાનુ ધરાવે છે આજે સવારનાં તેઓ કારખાના પર હાજર હતા ત્યારે 10-30 વાગ્યાના સુમારે વેપારી યોગેશનો માણસ કારખાના પર મશીનરીનાં સાધનો લેવા ગયેલ હતો.
જેમને કારખાનેદારે માલ મશીનરી આપવાની ના પાડતા વેપારી યોગેશ અને હરેશ ઉશ્કેરાયા હતા. અને તેઓ બન્ને તેમજ એક અજાણ્યો શખ્સ પોતાની સ્કોર્પીંયો કારમાં મીરા ઈન્ડ.માં આવેલ ફેબ્રીકેશનના કારખાને ઘસી ગયા હતા. અને મારા માણસને મશીનરીની કેમ ન પાડી કહી કારખાનેદાર સાથે ઝઘડો કરી પાઈપથી જીવલેણ હુમલો કરી નાસી છૂટયો હતો.
બાદમાં ગંભીર રીતે ઘવાયેલા પટેલ કારખાનેદારને લોહીલોહાણ હાલતમાં સારવારમાં પ્રથમ સીવીલ હોસ્પીટલે અને ત્યારબાદ ખાનગી હોસ્પીટલમાં ખસેડાયા હતો. બનાવ અંગેની જાણ થતાં થોરાળા પોલીસનો સ્ટાફ હોસ્પીટલે દોડી જઈ ઈજાગ્રસ્તનું નિવેદન નોંધવા તજવીજ હાથ ધરી હતી

આ પ્રકારના તમામ સમાચાર માટેે App ડાઉનલોડ કરો.