‘શ્રી આદિજીન યુવક ચેરીટેબલ ટ્રસ્ટ’ દ્વારા શ્રીમતી રાજશ્રીબેન ભરતભાઈ જૈનનાં 50માં જન્મદિવસે વ્હીલ ચેર અને સિલાઈ મશીન નિ:શુલ્ક આપવામાં આવશે. છેલ્લા બે મહિનામાં વધુ 50 બહેનોને સિલાઈ મશીન અર્પણ કરવામાં આવ્યા

‘શ્રી આદિજીન યુવક ચેરીટેબલ ટ્રસ્ટ’ દ્વારા શ્રીમતી રાજશ્રીબેન ભરતભાઈ જૈનનાં 50માં જન્મદિવસે વ્હીલ ચેર અને સિલાઈ મશીન નિ:શુલ્ક આપવામાં આવશે.

છેલ્લા બે મહિનામાં વધુ 50 બહેનોને સિલાઈ મશીન અર્પણ કરવામાં આવ્યા.

‘શ્રી આદિજન યુવક ચેરીટેબલ ટ્રસ્ટ (મુંબઈ)’ જયેશભાઈ જરીવાલાનાં નેજા હેઠળ સંસ્થા દ્વારા અનેકો સેવાના કાર્યો કરવામાં આવે છે. નકામી બંજર જમીનમાં નેપીયેર ઘાસ ઉગાડવા માટે મદદ કરવામાં આવે છે. પશુઓને શાતા મળી રહે તે માટે શેડ, ચારા, ગોદામ તેમજ પાણીનાં અવેડા, ગમાણ વિગેરે અકોલા, નાંદેડ, યવતમાલ, વર્ધા, નાગપુર, મહારાષ્ટ્રમાં બંધાવી આપ્યા છે. દર વર્ષે મેગા એનીમલ કેમ્પનું વિવિધ ગ્રામ્ય વિસ્તારમાં આયોજન કરવામાં આવે છે. જેમાં ૨૦- ૩૦ ગામોનાં પશુઓનો સમાવેશ કરીને લગભગ ૧૫૦ થી ૨૦૦ ડોકટરોની મદદથી હજારોની સંખ્યામાં પશુઓની સારવાર તેમજ ઓપરેશન કરવામાં આવે છે. જેમ કે કેન્સર, ટયુમર તથા પેટમાં રહેલ પ્લાસ્ટિક, કાચ જેવા હાનિકારક વસ્તુઓને ઓપરેશન દ્વારા બહાર કાઢવા, ગર્ભાશયનાં વિવિધ ઉપચાર, જયપુર ફૂટ વિગેરે જેમાં ૫ થી ૧૦ પાંજરાપોળોને લાભ મળે છે. બનાસકાંઠામાં આવેલા પુર સમયે અને રાજસ્થાનમાં દુષ્કાળનાં સમયગાળામાં પશુઓ માટે ઘાસચારો પૂરો પાડવામાં આવ્યો હતો. મહારાષ્ટ્ર તેમજ ગુજરાતમાં ૧૦ જગ્યાએ શેડ બનાવી આપવાનું કામ ચાલુ છે જેમાં ૩૦૦૦ થી વધુ જીવોનો સમાવેશ કરવામાં આવશે. શંખેશ્વર તેમજ નાલાસોપારામાં બહેનો આત્મનિર્ભર બને તે માટે ૧૦૦ બહેનોને સિલાઈ મશીનની ત્રણ મહિનાની ટ્રેનીંગ આપી તેમને સીલાઈ મશીન ભેટ કરવામાં આવ્યા જેથી તેઓ પોતે પોતાના પરીવારનું ભરણપોષણ કરી શકે. ૨૦૦ જરૂરતમંદ અપંગોને વ્હીલચેર તથા ટ્રાયસિકલ સંસ્થા દ્વારા આપવામાં આવેલ છે. નાલાસોપારામાં એકલા રહેતા વૃધ્ધ બીમાર, અસહાય ૧૩૫ વડીલોને છેલ્લા ૩૦ મહિનાથી ઘરે ઘરે ટિફીન સેવા સાથે વૈદ્યકીય સહાય સંસ્થાનાં દાતાઓનાં સહકારથી કાર્યરત છે. નાલાસોપારા અને વિરારમાં રસ્તે રખડતાં શ્વાન અને બિલાડીઓને રોજ દૂધ અને રોટલી આપવામાં આવે છે. કાંદીવલી અને નાલાસોપારામાં વિવિધ જગ્યાએ પક્ષીઓ માટે પાણીના કુંડા અને રોજની ૨૦૦ કિલો જુવાર, મકાઈની ૩૬૫ દિવસ સેવા ચાલુ છે. ગુજરાત અને મુંબઈમાં રહેતા આર્થિક રીતે નબળા જૈન સાધર્મિક પરિવારોની નિયમિત સારસંભાળ લઈ રહયાં છીએ. એમને દાતાઓનાં સહકારથી સાધર્મિક ભકિત કરી રહયાં છે. સંસ્થા આર્થિક રીતે અસક્ષમ રોગીઓ માટે દવા તથા વિવિધ હોસ્પિટલમાં સારવાર માટે મદદ કરી રહી છે.

‘શ્રી આદિજીન યુવક ચેરીટેબલ ટ્રસ્ટ’ દ્વારા શ્રીમતી રાજશ્રીબેન ભરતભાઈ જૈનનાં 50માં જન્મદિવસે વ્હીલ ચેર અને સિલાઈ મશીન નિ:શુલ્ક આપવામાં આવશે. છેલ્લા બે મહિનામાં વધુ 50 બહેનોને સિલાઈ મશીન અર્પણ કરી, જે બહેનોને સીવણ કામ આવડતું નહતું તેમના માટે સીવણનાં નિ: શુલ્ક ક્લાસ કરી તેમને આત્મનિર્ભર કરવામાં આવ્યા છે. ‘આદી જિન યુવક ચેરીટેબલ ટ્રસ્ટ’ દ્વારા સર્વેક્ષણ મુજબ જરૂરિયાતમંદોને વ્હીલ ચેર અને વિધવાઓને આત્મનિર્ભર બનાવવા માટે 14 મે, અર્થ કેસલ ગોલ્ડન બેન્ક્વેટ, ત્રીજો માળ, સિકાનગર ખાતે સાંજે 4 વાગ્યે સિલાઈ મશીન આપવામાં આવશે.

રિપોર્ટ નટવરલાલ જે ભાતિયા

આ પ્રકારના તમામ સમાચાર માટેે App ડાઉનલોડ કરો.