રેલનગર પાસે બોલેરોથી ઠોકરે બાઈક ચાલક કોલેજીયન યુવતીને ઈજા

રેલનગર પાસેથી પસાર થતી કોલેજીયન યુવતીને બોલેરોએ હડફેટે લેતાં યુવતીને શરીરે ગંભીર ઈજા પહોંચતા સારવારમાં ખસેડવામાં આવી હતી. જયારે બાઈકમાં ભારે નુકશાન પહોંચ્યું હતું.બનાવની પ્રાપ્ત વિગત અનુસાર, બાલાજીપાર્ક, વેકરીયા ચોકમાં બંગલોઝ નં.3માં રહેતી દ્રષ્ટી જયદિપભાઈ રાઠોડ (ઉ.વ.48) મહીલા કોલેજમાં કોમર્ષ વિભાગમાં અભ્યાસ કરે છે.
ગત રોજ તે પોતાની ઈ-બાઈક લઈ કોલેજ ગયા બાદ બપોરના ઘરે પરત ફરતી હતી ત્યારે સાંઢીયાપુલ રેલનગરની વચ્ચે પહોંચતા પાછળથી પુરપાટ ઝડપે આવેલા બોલેરો ચાલકે હડફેટે લેતા યુવતી ફંગોળાઈને રોડ પર પટકાઈ હતી. જેને શરીરે ઈજા પહોચતા સારવારમાં 108 મારફતે સીવીલ હોસ્પિટલમાં ખસેડાઈ હતી.અને ઈ-બાઈકનું પડીકું વળી ગયું હતું. બનાવ અંગે ઈજાગ્રસ્ત યુવતીના પિતાએ પ્ર.નગર પોલીસ મથકે ફરીયાદ નોધાવી હતી. બનાવ અંગેની ફરીયાદ પરથી પોલીસે અજાણ્યા બોલેરો ચાલક વિરૂદ્ધ ગુનો નોંધી શોદખોળ આદરી હતી.

આ પ્રકારના તમામ સમાચાર માટેે App ડાઉનલોડ કરો.