જસદણમાં રામાણી પરિવારનો ત્રિવિધ કાર્યક્રમ યોજાયો

જસદણમાં રામાણી પરિવારનો ત્રિવિધ કાર્યક્રમ યોજાયો
રવિવાર તા. 25 ડીસેમ્બરના રોજ જસદણના શ્યામ કુંજ હોલ ખાતે જસદણ શહેરમાં વસતા રામાણી પરિવારનું સ્નેહમિલન અને વિધાર્થી સન્માન કાર્યક્રમ યોજાયો, જેમાં પરિવારના ધોરણ 1 થી 12 માં અભ્યાસ કરતા 60 જેટલા વિદ્યાર્થીઓને શિલ્ડ તેમજ શૈક્ષણિક કીટ મહેમાનો તથા દાતાશ્રીઓના હસ્તે આપી સન્માનિત કરવામાં આવ્યા હતા.
આ પ્રસંગે મોટી સંખ્યામાં પરિવારના સભ્યો હાજર રહ્યા હતા, તેમજ આસપાસના ગામોમાંથી પરિવારના આગેવાનો ધીરુભાઈ રામાણી-કમળાપુર, વલ્લભભાઈ રામાણી-લીલાપુર અને અરજણભાઈ રામાણી ખાસ ઉપસ્થિત રહી પ્રાસંગિક વકતવ્ય આપ્યું હતું
આ તકે રામાણી પરિવારના જાણીતા લોકગાયિકા શ્રી કોમલબેન રામાણી અને તેની ટીમ દ્વારા પરિવારજનોને સુંદર મજાનાં હાસ્ય રસ, સાહિત્ય રસ સરસ્વતી વંદના, ગેલ માતાજીની આરતી વગેરે વિવિધ પ્રકારના રસપાન સુર સંગીતના તાલે કરાવી કાર્યક્રમને અનોખી રીતે દિપાવ્યો હતો.
અંતે પરિવારના સભ્યોએ સુર સંગીતના સથવારે રાસગરબાની રમઝટ બોલાવી હતી. આ કાર્યક્રમને સફળ બનાવવા માટે પરિવારના યુવા સભ્યોએ ખુબ જ જહેમત ઉઠાવી હતી.
રીપોર્ટ રસીક વિસાવળીયા જસદણ 7801900172

આ પ્રકારના તમામ સમાચાર માટેે App ડાઉનલોડ કરો.