કોઠારીયા પાસે કારની હડફેટે બાઇક ચાલક યુવકનું મોત

કોઠારીયા ગામ પાસેથી બાઇક લઇ નિકળેલા અજાણ્યા યુવકને પાછળથી પુરપાટ ઝડપે ધસી આવેલા અજાણ્યા કાર ચાલક હડફેટે લેતા યુવક ફુટબોલના દડાની માફક ફંગોળાઇને રોડ પર પટકાયો હતો. અને માથામાં અને શરીરે ગંભીર ઇજા પહોંચી હતી. બનાવ સ્થળે એકઠા થયેલ લોકોએ ઇજાગ્રસ્તને 108 મારફતે સારવારમાં સીવીલ હોસ્પિટલે ખસેડાયો હતો.
પરંતુ સારવાર મળે તે પહેલા જ યુવકનું મોત નિપજયું હતું. બનાવ અંગે સીવીલ ચોકીના સ્ટાફે આજીડેમ પોલીસને જાણ કરતા સ્ટાફ દોડી આવ્યો હતો. અને જરૂરી કાગળો કરી મૃતકની ઓળખ મેળવવા તજવીજ હાથ ધરી અને વાલી વારસની શોધખોળ આદરી હતી તેમજ અકસ્માત સર્જી નાસી છુટેલા અજાણ્યા કાર ચાલક સામે ગુનો નોંધવા તજવીજ હાથ ધરી હતી.

આ પ્રકારના તમામ સમાચાર માટેે App ડાઉનલોડ કરો.