તારે અહીં પેસેન્જર ઉતારવા નહીં’ કહી રીક્ષાચાલકને ધોકાથી ફટકાર્યો

માધાપર ગામ પાસે તારે અહિ પેસેન્જર ઉતારવા નહીં કહી રીક્ષાચાલક પ્રકાશને જ્ઞાતિ પ્રત્યે અપમાનીત કરી અજાણ્યા શખ્સોએ ધોકાથી ફટકારતા સારવારમાં અત્રેની સીવીલે ખસેડાયો હતો.
બનાવની વિગત અનુસાર, માધાપરમાં રહેતા પ્રકાશ ઉર્ફે પકો અમૃત મકવાણા (ઉ.વ.25) રીક્ષા ચલાવવાનો ધંધો કરે છે. અને ગત રોજ તે ઇશ્ર્વરિયાથી માધાપર રીક્ષામાં પેસેન્જર બેસાડી માધાપર ગામના રોડ પર પહોંચી પેસેન્જર ઉતારતો હતો ત્યારે ધસી આવેલા અજાણ્યા શખ્સોએ જ્ઞાતિ પ્રત્યે અપમાનીત કરી તારે અહીં પેસેન્જર બેસાડવા નહીં કહી ધોકાથી બેફામ ફટકારી નાસી છુટ્યા હતાં. બાદમાં ગંભીર રીતે ઇજાગ્રસ્ત યુવકને સારવારમાં અત્રેની સીવીલે ખસેડાયો હતો. બનાવ અંગે સીવીલ ચોકીના સ્ટાફે ગાંધીગ્રામ પોલીસને જાણ કરી હતી.

આ પ્રકારના તમામ સમાચાર માટેે App ડાઉનલોડ કરો.