બોટાદ જિલ્લાના રોજગાર ઇચ્છુકો માટે રોજગારીની સુવર્ણ તક

જે.એમ.જે.પી પ્લેસમેન્ટ એજેન્સી-અમદાવાદ ખાતેના એકમ માટે ૧૭ ઓક્ટોબરે ભરતી મેળો યોજાશે

રોજગાર ઇચ્છુકોએ તમામ દસ્તાવેજો સાથે અનુબંધમ પોર્ટલ પર જોબસીકર તરીકે નોંધણી કરાવવી ફરજિયાત

જિલ્લા રોજગાર વિનિમય કચેરી- બોટાદ દ્વારા બોટાદ જિલ્લાના રોજગાર ઇચ્છુકોને રોજગારીની સુવર્ણ તક મળવા જઈ રહી છે. જે.એમ.જે.પી પ્લેસમેન્ટ એજેન્સી-અમદાવાદ ખાતેના એકમ માટે ટ્રેઈની મશીન ઓપરેટર/ કસ્ટમર કેર એક્ઝીક્યુટીવ/ કોમ્પ્યુટર ઓપરેટરની જગ્યા માટે ભરતીમેળાનું આયોજન કરવામાં આવ્યું છે.૧૮ થી ૩૫ વર્ષની વયમર્યાદા તેમજ ધોરણ-૧૦ પાસની લધુત્તમ શૈક્ષણિક લાયકાત ધરાવનાર માટે અનુબંધમ વેબપોર્ટલના માધ્યમથી આયોજિત ભરતીમેળામાં ભાગ લેવા રોજગાર ઇચ્છુકોએ જિલ્લા રોજગાર વિનિમય કચેરી, જિલ્લા સેવા સદન, ખસ રોડ, બોટાદ ખાતે તા.૧૭ ઓક્ટોબરના રોજ સવારે ૧૧:૦૦ કલાકે ઉપસ્થિત થવાનું રહેશે.
પ્રસ્તુત ભરતીમેળામાં ભાગ લેવા હેતુસર રોજગાર ઇચ્છુકોએ આધાર કાર્ડ તેમજ શૈક્ષણિક લાયકાતના તમામ દસ્તાવેજો સાથે અનુબંધમ પોર્ટલ પર જોબસીકર તરીકે નોંધણી કરાવવી ફરજિયાત છે. અનુબંધમ વેબપોર્ટલ પર જોબસીકર માટેની રજીસ્ટ્રેશન લીંક https://anubandham.gujarat.gov.in/account/signup પરથી નોંધણી કરવાની રહેશે. નોંધણી થયા બાદ પોર્ટલ પર login કરીને પોર્ટલ પર જોબફેર મેનુમાં ક્લીક કરી જરૂરી વિગત ભર્યા બાદ જોબફેરમાં ભાગ લઈ શકાશે.
વધુ માહિતી અને માર્ગદર્શન માટે કચેરી સમય દરમિયાન જિલ્લા રોજગાર વિનિમય કચેરી, બોટાદના કોલ સેન્ટર નંબર ૬૩૫૭૩૯૦૩૯૦ મારફત સંપર્ક કરવા બોટાદના ઈન્ચાર્જ રોજગાર અધિકારીશ્રીની અખબારી યાદીમાં જણાવવામાં આવ્યું છે.

રિપોર્ટર:ચિંતન વાગડિયા

મો:8000834888

આ પ્રકારના તમામ સમાચાર માટેે App ડાઉનલોડ કરો.