સુરતના વેડ રોડ પર સૂર્યા મરાઠી ગેંગના પન્ટર પર ફાયરીંગ

સુરત, તા. 21 ઓગસ્ટ 2022 રવિવારસુરત શહેરના વેડ રોડ સ્થિત અખંડ આનંદ કોલેજ નજીક સૂર્યા મરાઠી ગેંગના પન્ટર શફી નામના યુવાન પર બાઇક પર આવેલા શૂટરોએ ફાયરીગ કરતા પોલીસ દોડતી થઇ ગઇ છે. ફાયરીંગમા શફીને સામાન્ય ઇજા થતા સારવાર માટે ખાનગી હોસ્પિટલમાં દાખલ કરવામાં આવ્યો છે.વેડરોડની અંખડ આનંદ કોલેજ પાસે આજે સવારે સુર્યા મરાઠી મર્ડર ફેઇમ નામચીન શફી નામના યુવક પર ફાયરિંગ થયું હતું. શફી સવારે ચીકનની દુકાને જવા નીકળ્યો હતો.ત્યારે બાઈક પર મોઢે રૂમાલ બાંધીને આવેલા યુવકોએ ફાયરિંગ કરી ભાગી ગયા હતા. શફીને પેટના ભાગે ગોળી વાગતા તુરંત જ સારવાર માટે ખાનગી હોસ્પિટલમાં ખસેડાયો હતો. જ્યાં તેની હાલત સ્થિર છે.ફાયરિંગની ઘટનાને પગલે ચોક બજાર પોલીસ સહિત ઉચ્ચ અધિકારીઓ દોડતા થઈ ગયા હતા. પોલીસે ધટના સ્થળના સીસીટીવી ફૂટેજના આધારે શૂટરો સુધી પહોંચવાની કવાયત હાથ ધરી છે.

આ પ્રકારના તમામ સમાચાર માટેે App ડાઉનલોડ કરો.