શ્રી કષ્ટભંજનદેવ હનુમાનજી દાદાને દિવ્ય ડ્રાયફ્રૂટ વાઘાનો શણગાર એવં ડ્રાયફ્રૂટ અન્નકૂટ ધરાવવામાં આવ્યો તેમજ ભવ્ય ષોડશોપચાર પૂજન તથા તિરંગા વિતરણ કરાયું

શ્રી સ્વામિનારાયણ મંદિર વડતાલધામ સંચાલિત વિશ્વવિખ્યાત સાળંગપુરધામમાં શ્રી કષ્ટભંજનદેવ હનુમાનજી મંદિર ખાતે પવિત્ર શ્રાવણ માસ નિમિતે તા.13-08-2022ને શનિવારના રોજ પ.પૂ.શાસ્ત્રી સ્વામી હરિપ્રકાશદાસજી (અથાણાવાળા)ની શુભ પ્રેરણાથી એવં કોઠારીશ્રી વિવેકસાગરદાસ સ્વામીના માર્ગદર્શનથી શ્રી કષ્ટભંજનદેવ હનુમાનજી દાદાને દિવ્ય ડ્રાયફ્રૂટ વાઘાનો શણગાર ધરાવવામાં આવેલ તથા સવારે 5:30 કલાકે મંગળા આરતી પૂજારી સ્વામી દ્વારા તથા 7 કલાકે શણગાર આરતી કોઠારીશ્રી વિવેકસાગરદાસ સ્વામી દ્વારા એવં બપોરે ૧૧:૧૫ કલાકે ડ્રાયફ્રૂટ અન્નકૂટ આરતી પ.પૂ.શાસ્ત્રી સ્વામી હરિપ્રકાશદાસજી (અથાણાવાળા) દ્વારા કરવામાં આવેલ.
માનનીય પ્રધાનમંત્રીશ્રી નરેન્દ્રભાઈ મોદીએ ‘આઝાદી કા અમૃત મહોત્સવ’ India@75ની શરૂઆત સ્વરૂપે ભારત સરકાર દ્વારા હર ઘર તિરંગા અભિયાન અંતર્ગત સાંજે ૪:૩૦ કલાકે મંદિરના ચોકમાં ગામેગામના હરિભક્તો માટે તિરંગા વિતરણ કાર્યક્રમ રાખવામાં આવેલ જેમાં મુખ્ય મહેમાન શ્રી નીલ નિતિશ મુકેશ-બોલીવુડ ફિલ્મસ્ટાર તથા શ્રી ઘનશ્યામભાઈ વિરાણી-જિલ્લા પંચાયત પ્રમુખશ્રી બોટાદ,શ્રી સૌરભભાઈ પટેલ-ધારાસભ્યશ્રી-પૂર્વ ઉર્જા મંત્રીશ્રી,શ્રી આત્મારામભાઇ પરમાર- ધારાસભ્યશ્રી ગઢડા, શ્રી બીજલ શાહ- જિલ્લા કલેકટરશ્રી બોટાદ, શ્રી પી.ડી..પલસાણા-ડીડીઓશ્રી બોટાદ, શ્રી કિશોર બલોલિયા-જિલ્લા પોલીસ અધિક્ષકશ્રી-બોટાદ, શ્રી ભીખુભાઈ વાઘેલા-જિલ્લા ભાજપ પ્રમુખશ્રી-બોટાદ, શ્રી સુરેશભાઈ ગોધાણી પ્રભારીશ્રી સુરેન્દ્રનગર અતિથિ વિશેષ મહેમાન ઉપસ્થિત રહ્યા હતાં.
સાંજે ૫:૩૦ કલાકે દાદાનું ભવ્ય ષોડશોપચાર પૂજન-અભિષેક-મહાઆરતી પ.પૂ.શાસ્ત્રી સ્વામી હરિપ્રકાશદાસજી (અથાણાવાળા)દ્વારા કરવામાં આવેલ. ભક્તોએ ઓનલાઈન તથા પ્રત્યક્ષ દર્શનનો લાભ લઈ ધન્યતા અનુભવી હતી. અને પવિત્ર શ્રાવણ માસ નિમિતે વિશ્વશાંતિ હનુમાન ચાલીસા અને હનુમંત મંત્ર પવિત્ર બ્રાહ્મણો દ્વારા યજ્ઞ-પૂજા પાઠ તેમજ દિવ્ય સત્સંગ કરવામાં આવે છે.

રિપોર્ટર:ચિંતન વાગડીયા બરવાળા

મો:8000834888

આ પ્રકારના તમામ સમાચાર માટેે App ડાઉનલોડ કરો.