લુણાવાડા ખાતે જિલ્લા કક્ષાનો વિશ્વાસથી વિકાસ યાત્રા કાર્યક્રમ યોજાયો

લુણાવાડા ખાતે જિલ્લા કક્ષાનો વિશ્વાસથી વિકાસ યાત્રા કાર્યક્રમ યોજાયો
વિવિધ વિભાગોના રુપિયા ૧૬.૯૨ કરોડના ૧૫ વિકાસકાર્યોનું ખાતમુહૂર્ત અને લોકાર્પણ કરવામાં આવ્યું.
માહિતી બ્યુરો મહીસાગર,
જિલ્લા કક્ષાનો વિશ્વાસથી વિકાસ યાત્રા અંતર્ગત વિકાસના વિવિધ કામોનું ખાતમુહૂર્ત અને લોકાર્પણ કાર્યક્રમ ૪૨પાટીદાર સમાજવાડી પોલીસ લાઈન લુણાવાડા ખાતે જિલ્લા પંચાયત પ્રમુખ શ્રીમતી રમીલાબેન ડામોરના અધ્યક્ષ સ્થાને યોજાયો
જિલ્લા પંચાયત પ્રમુખ શ્રીમતી રમીલાબેન ડામોરના હસ્તે વિવિધ વિભાગોમાં ૧૬.૯૨ કરોડના ૧૫ વિકાસકાર્યોનું ખાતમુહૂર્ત અને લોકાર્પણ કરવામાં આવ્યું,
જેમાં ગુજરાત રાજ્ય માર્ગ વાહન વ્યવહાર નિગમ(જી.એસ.આર.ટી.સી) અંતર્ગત રૂ.૪.૪૧ કરોડના કુલ ૨ કામોનું ખાતમુહૂર્ત,
માર્ગ અને મકાન વિભાગ અંતર્ગત રૂ.૧૧.૨૭ કરોડના કુલ ૨ કામોનું લોકાર્પણ અને પંચાયત ગ્રામ ગૃહ નિર્માણ અને ગ્રામ વિકાસ વિભાગ અંતર્ગત રૂ.૧.૨૪ કરોડના કુલ ૧૧ કામોનું લોકાર્પણ કરવામાં આવ્યું

આ પ્રસંગે પ્રાયોજના વહીવટદાર અધિકારીશ્રી જે.પી.અસારીએ સ્વાગત પ્રવચન કર્યુ હતુ અને જિલ્લા આયોજન અઘિકારીશ્રી ગુપ્તાએ આભાર વિઘિ કરી હતી અને રાજય કક્ષાનાં કાર્યક્રમનુ જીવંત પ્રસારણ નિહાળ્યુ હતુ.
આ કાર્યક્રમમાં કલેક્ટરશ્રી ડો.મનીષકુમાર, જિલ્લા વિકાસ અધિકારીશ્રી કે ડી લાખાણી,પોલીસ વડાશ્રી આર પી બારોટ, લુણાવાડા પ્રાંત અધિકારીશ્રી સચિન કુમાર ,અગ્રણીશ્રી દશરથભાઈ, લુણાવાડા મામલતદરશ્રી ઈશ્વરભાઈ પટેલ, નગરપાલિકા પ્રમુખ ભાવનાબેન, લુણાવાડા તાલુકા પંચાયત પ્રમુખ, સહિત મોટી સંખ્યામાં લોકો ઉપસ્થિત રહ્યા હતા.

રિપોર્ટર અરવિંદભાઈ ખાંટ

આ પ્રકારના તમામ સમાચાર માટેે App ડાઉનલોડ કરો.