ઉદયપુરથી દારૂ બસમાં ભરી ઘરે પહોંચાડે તે પહેલાં જ પ્રેમ મંદિર પાસેથી ઝડપાયો

ઉદયપુરથી દારૂ બસમાં ભરી ઘરે પહોંચાડે તે પહેલાં જ પ્રેમ મંદિર પાસે રહેતાં મારાજને માલવીયાનગર પોલીસે સરદારનગર પાસેથી ઝડપી દારૂના 286 ચપલા સહિત રૂ.78600 નો મુદ્દામાલ કબ્જે કરી તપાસ હાથ ધરી હતી.
દરોડાની વિગત મુજબ, માલવીયાનગર પોલીસ મથકના પીઆઈ જે.આર.દેસાઈ, એમ.ડી.ગઢવીની રાહબરીમાં પીએસઆઈ ડી.એસ.ગજેરા ટીમ સાથે પેટ્રોલીંગમાં હતાં ત્યારે હેડ કોન્સ્ટેબલ અજય વિકમા, કોન્સ્ટેબલ મયુરદાન ગઢવી અને જયદીપસિંહ ભટ્ટીને સરદારનગર મેઇન રોડ શેરી નં.4 માંથી એક એકટીવામાં એક શખ્સ પ્લાસ્ટીકના બાચકામા ઇંગ્લીશ દારૂના ભરીને નિકળવાનો છે, તેવી ચોક્કસ બાતમીના આધારે સ્ટાફ વોચમાં હતા તે દરમ્યાન ત્યાંથી પસાર થયેલ એકટીવાને રોકી આગળના ભાગે રાખેલ પ્લાસ્ટીકના બાચકા રાખેલ જોવામા આવેલ હતાં. એક્ટિવા ચાલકનું નામ પૂછતાં અતુલ ઉર્ફે મારાજ ગોરધન વેકરીયા (ઉ.વ.57), (રહે.રવીપાર્ક શેરી નં.01 પ્રેમ મંદિર પાસે કાલાવડ રોડ) હોવાનું જણાવેલ હતું.
તેમજ બાચકા નીચે ઉતારી જોતા કુલ ચાર બાચકા હોય જે ચારેય બાચકા ખોલી જોતા તેમાંથી દારૂના 286 ચપલા જોવા મળતાં આરોપીની ધરપકડ કરી કુલ રૂ.78600 નો મુદ્દામાલ કબ્જે કરી પૂછતાછ હાથ ધરી હતી. વધુમાં પોલીસ સૂત્રોએ જણાવ્યું હતું કે, અતુલ ઉર્ફે મારાજ ઉદયપુરથી પ્લાસ્ટિકના કોથળામાં દારૂ ભરી ત્યાંથી ખાનગી બસમાં દારૂ નાંખી રાજકોટ ગ્રીનલેન્ડ ચોકડીએ દારૂ ઉતારી પોતાના ઘરે લઈ જતો હતો ત્યારે પકડાઈ ગયો હતો.

આ પ્રકારના તમામ સમાચાર માટેે App ડાઉનલોડ કરો.