હિમાચલ પ્રદેશ વિધાનસભા ચૂંટણી : આ મહત્વના દસ મુદ્દાઓ વિષે જાણો 

ચૂંટણી પંચે આજે હિમાચલ પ્રદેશની ચૂંટણીની તારીખોની જાહેરાત કરી છે. રાજ્યમાં 12 નવેમ્બરે એક જ તબક્કામાં મતદાન થશે. આ માટેનું નોટિફિકેશન 17 ઓક્ટોબરે બહાર પાડવામાં આવશે. 8મી ડિસેમ્બરે મતગણતરી હાથ ધરાશે. આ પ્રદેશમાં ગત ચૂંટણી 9 નવેમ્બર, 2017ના રોજ થઇ હતી અને પરિણામ 18 ડિસેમ્બર, 2017ના રોજ જાહેર કરવામાં આવ્યું હતું.

1. ચૂંટણીનો સંપૂર્ણ કાર્યક્રમ 

સૂચના: 17 ઓક્ટોબર

નોમિનેશન માટેની છેલ્લી તારીખઃ 25 ઓક્ટોબર

નામાંકનની ચકાસણીઃ 27 ઓક્ટોબર

નામ પાછું ખેંચવાની તારીખ : 29 ઓક્ટોબર

મતદાન: 12 નવેમ્બર

મત ગણતરી: 8 ડિસેમ્બર
 
2. વર્તમાન વિધાનસભાની મુદત ક્યારે પૂરી થાય છે?

વર્તમાન વિધાનસભાનો કાર્યકાળ 8 જાન્યુઆરી, 2023ના રોજ સમાપ્ત થાય છે. આ પહેલા ચૂંટણીની સમગ્ર પ્રક્રિયા પૂર્ણ કરવામાં આવશે. તે મુજબ આયોગે તૈયારીઓ કરી લીધી છે.
 
3. કેટલા મતદારો પોતાનો મત આપશે?

ચૂંટણી પંચે આજે કહ્યું કે હિમાચલ પ્રદેશમાં 55 લાખ 07 હજાર 261 મતદારો છે. જેમાં 27 લાખ 80 હજાર 208 પુરૂષ અને 27 લાખ 27 હજાર 16 મહિલા મતદારો છે. 67 હજાર 532 મતદારો સરકારી કર્મચારી છે. 56,001 દિવ્યાંગ મતદારો છે. આ સિવાય 80 વર્ષથી વધુ ઉંમરના 1.22 લાખ મતદારો છે. 1,184 મતદારો એવા છે કે જેમની ઉંમર 100 વર્ષથી વધુ છે. 1.86 લાખ મતદારો એવા છે જેઓ પ્રથમ વખત મતદાન કરશે. તેમની ઉંમર 18 થી 19 વર્ષની વચ્ચે છે. તેમાંથી 43 હજાર 172 મતદારો એવા છે કે જેમની ઉંમર 1 જાન્યુઆરી 2022થી 1 ઓક્ટોબર 2022 વચ્ચે 18 વર્ષ પૂર્ણ થઈ ગઈ છે.
 
4. કેટલા મતદાન મથકો હશે?

હિમાચલ પ્રદેશની ચૂંટણી માટે ચૂંટણી પંચ 7,881 મતદાન મથકો સ્થાપશે. દરેક મતદાન મથક પર સરેરાશ 699 મતદારો પોતાનો મત આપી શકશે. શહેરી વિસ્તારોમાં 646 અને ગ્રામીણ વિસ્તારોમાં 7,235 મતદાન મથકો હશે. તેમાંથી 142 મતદાન મથકો મહિલાઓ દ્વારા સંચાલિત કરવામાં આવશે અને 37 દિવ્યાંગો દ્વારા કાર્યરત રહેશે. ગત વખતની સરખામણીએ મતદાન મથકોની સંખ્યામાં 4.73 ટકાનો વધારો થયો છે.
 
5. કેટલી બેઠકો પર ચૂંટણી, તેમાંથી કેટલી અનામત છે?

હિમાચલ પ્રદેશમાં કુલ 68 સીટો છે. તેમાંથી 17 એસી કેટેગરી માટે અનામત છે, જ્યારે ત્રણ એસટી કેટેગરી માટે અનામત છે.
 
6. વૃદ્ધ અને અપંગ મતદારો માટે શું જાહેરાત કરવામાં આવી હતી?

ચૂંટણી પંચે કહ્યું કે 80 વર્ષથી વધુ ઉંમરના લોકો, દિવ્યાંગ અથવા કોવિડ સંક્રમિત જેઓ મતદાન કરવા માંગે છે અને તેઓ મતદાન કેન્દ્ર પર આવી શકતા નથી. આવા મતદારોને ઘરે રહીને મતદાન કરવાની સુવિધા આપવામાં આવશે. આ માટે મતદારે જિલ્લા ચૂંટણી સમિતિને અગાઉથી જાણ કરવાની રહેશે. આ પછી, આયોગ વતી, સંબંધિત વ્યક્તિના ઘરે મતદાનની સુવિધા માટે વ્યવસ્થા કરવામાં આવશે. સમગ્ર પ્રક્રિયાની વીડિયોગ્રાફી પણ કરવામાં આવશે.
 
7. મત આપતી વખતે કયું ઓળખ પત્ર બતાવી શકાય?

જો તમારી પાસે વોટર આઈડી કાર્ડ નથી, તો તમે અન્ય આઈડી કાર્ડનો ઉપયોગ કરીને પણ તમારો મત આપી શકો  છો. ચૂંટણી કાર્ડ શિવાય આ આઈડીનો પણ ઉપયોગ કરી શકો છો.

1. પાસપોર્ટ
2. ડ્રાઇવિંગ લાઇસન્સ
3. જો તમે કેન્દ્ર અને રાજ્ય સરકારના કર્મચારી છો અથવા PSU અને પબ્લિક લિમિટેડ કંપનીમાં કામ કરતા હોવ તો કંપનીના ફોટો આઈડીના આધારે પણ વોટિંગ કરી શકાય છે.
4. પાન કાર્ડ
5. આધાર કાર્ડ
6. પોસ્ટ ઓફિસ અને બેંક દ્વારા જારી કરાયેલ પાસબુક.
7. મનરેગા જોબ કાર્ડ.
8. શ્રમ મંત્રાલય દ્વારા જારી કરાયેલ આરોગ્ય વીમા કાર્ડ.
9. પેન્શન કાર્ડ જેમાં તમારો ફોટો લગાવેલ અને પ્રમાણિત છે.
10. નેશનલ પોપ્યુલેશન રજીસ્ટર (NPR) દ્વારા જારી કરાયેલ સ્માર્ટ કાર્ડ.
11. સાંસદ/ધારાસભ્ય/એમએલસી દ્વારા જારી કરાયેલ સત્તાવાર ઓળખ કાર્ડ.
12. બેંક અથવા પોસ્ટ ઓફિસ દ્વારા જારી કરાયેલ ફોટોગ્રાફ સાથેની પાસબુક.
13. શ્રમ મંત્રાલય દ્વારા જારી કરાયેલ આરોગ્ય વીમા સ્માર્ટ કાર્ડ.
14. સામાજિક ન્યાય મંત્રાલય દ્વારા જારી કરાયેલ અનન્ય વિકલાંગતા કાર્ડ.

(જો તમે આમાંથી કોઈ એક આઈડી કાર્ડ બતાવશો તો તમે મત આપી શકશો.)

 
8. મોક પોલ 90 મિનિટ પહેલા યોજાશે

દરેક વખતે ઈવીએમમાં ​​ખરાબી અને ચૂંટણીમાં ગોટાળાનો આરોપ લાગે છે. આવી સ્થિતિમાં, ચૂંટણી પંચે મતદાનની શરૂઆતના 90 મિનિટ પહેલા દરેક બૂથ પર મોક પોલ કરાવવાનો નિર્ણય લીધો છે. જેમાં ઉમેદવારોના એજન્ટો સામે ઓછામાં ઓછા 50 પ્રતિકાત્મક મતો નાખવામાં આવશે અને તેમની કાપલી પણ બતાવવામાં આવશે. આ ઉપરાંત, મશીન અને VVPATના પરિણામોને મેચ કર્યા પછી, તે એજન્ટને પણ બતાવવામાં આવશે. તેની વીડિયોગ્રાફી કરવામાં આવશે અને રિપોર્ટ પણ તૈયાર કરવામાં આવશે. મોક પોલ પૂર્ણ થયા પછી તરત જ ક્લિયર બટન દબાવવામાં આવશે, જેથી મશીનમાં મતદાનનો કોઈ રેકોર્ડ બાકી ન રહે.
 
9. ઉમેદવારોએ ફોજદારી કેસોની જાણ કરવાની રહેશે

ચૂંટણી પંચે કહ્યું છે કે દરેક ઉમેદવારે તેમની સામેના અપરાધિક મામલાઓની માહિતી જાહેરમાં જાહેર કરવી પડશે. આ માહિતી ઓછામાં ઓછી ત્રણ વખત પ્રકાશિત કરવી પડશે. તેની માહિતી ઓછામાં ઓછા બે રાષ્ટ્રીય અખબારો અને ચેનલોમાં પ્રકાશિત કરવાની રહેશે. ચૂંટણી પંચ તેની વેબસાઇટ પર ઉમેદવાર વિશેની તમામ માહિતી પણ જાહેર કરશે.
 
10. પરિણામો ક્યારે આવશે?

12 નવેમ્બરે ચૂંટણી યોજાયા બાદ કડક સુરક્ષા વચ્ચે ઈવીએમને સ્ટ્રોંગ રૂમમાં રાખવામાં આવશે. આ પછી 8 ડિસેમ્બરે વિડીયોગ્રાફી, ઉમેદવારોના એજન્ટો અને ચૂંટણી પંચના અધિકારીઓની હાજરીમાં સ્ટ્રોંગ રૂમ ખોલવામાં આવશે. આ પછી મતોની ગણતરી થશે અને સાંજ સુધીમાં પરિણામ સ્પષ્ટ થઈ જશે.

આ પ્રકારના તમામ સમાચાર માટેે App ડાઉનલોડ કરો.