ધ્રાંગધ્રાના ગોપાલગઢ ગામે રહેણાક મકાનના ફળીયામાંથી વિદેશી દારૂ ભરેલી કાર ઝડપાઈ.

વિદેશી દારૂની બોટલો નંગ 118 કિં.રૂ. 44,320 અને કાર કિ.રૂ. 80,000 સહિત રૂપિયા 1,24,320નો મુદ્દામાલ જપ્ત.

સુરેન્દ્રનગર જિલ્લાના ધ્રાંગધ્રા તાલુકા પોલીસની ટીમે બાતમીને આધારે ગોપાલગઢ ગામે રેડ કરી હતી જેમાં રહેણાક મકાનના ફળીયામાંથી વિદેશી દારૂ ભરેલી કાર ઝડપાઈ હતી પોલીસે કાર અને દારૂ સહિત રૂપિયા 1,24,320નો મુદ્દામાલ જપ્ત કરી હાજર ન મળી આવનાર આરોપી સામે ફરિયાદ નોંધી તેને ઝડપી લેવા તપાસ આદરી છે ધ્રાંગધ્રા તાલુકા પોલીસ મથકના કુલદીપસીંહ, સંજયભાઈ, વિક્રમભાઈ સહિતનાઓને પેટ્રોલીંગ દરમીયાન રવીવારે મોડી સાંજે ધ્રાંગધ્રાના ગોપાલગઢ ગામે રહેતો વિપુલ ગણેશભાઈ આડેસરા તેના ફળીયામાં વિદેશી દારૂ ભરીને રાખતો હોવાની બાતમી મળતા રેડ કરાઈ હતી જેમાં આરોપી હાજર મળી આવ્યો ન હતો પરંતુ ફળીયામાં પડેલ સેન્ટ્રો કારની તપાસ કરાતા તેમાંથી વિદેશી દારૂ મળી આવ્યો હતો આથી અલગ અલગ બ્રાન્ડની વિદેશી દારૂની બોટલો નંગ 118 કિં.રૂ. 44,320 અને સેન્ટ્રો કાર રૂ. 80,000 સહિત રૂપિયા 1,24,320નો મુદ્દામાલ જપ્ત કરાયો હતો અને હાજર ન મળી આવનાર આરોપી વિપુલ આડેસરા સામે ધ્રાંગધ્રા તાલુકા પોલીસ મથકે ગુનો નોંધી તેને ઝડપી લેવા વધુ તપાસ પોલીસ ચલાવી રહી છે.

આ પ્રકારના તમામ સમાચાર માટેે App ડાઉનલોડ કરો.